skol
fortebet

FERWAFA yatangaje igihe shampiyona izasorezwa n’ingengabihe nshya ku makipe yose

Yanditswe: Monday 21, Jun 2021

featured-image

Sponsored Ad

Ishyirahamwe ry’umupira w’amaguru mu Rwanda ryatangaje ko Shampiyona ku makipe arwanira igikombe izasozwa Tariki ya 25/06/2021 ari nabwo hazatangwa igikombe cya shampiyona kizahabwa APR FC nta gihindutse.
Mbere na mbere,FERWAFA yatangaje ko Rutsiro FC irakira Rayon Sports mu Bugesera kuri uyu wa 2 mu mukino w’amakipe ashaka igikombe wasubitswe kubera ko akarere ka Rubavu ikipe ya Rutsiro FC yakiriramo imikino kashyizwe muri Guma mu karere.Uyu mukino uzabera i Bugesera.
Ikipe ya Marines (...)

Sponsored Ad

Ishyirahamwe ry’umupira w’amaguru mu Rwanda ryatangaje ko Shampiyona ku makipe arwanira igikombe izasozwa Tariki ya 25/06/2021 ari nabwo hazatangwa igikombe cya shampiyona kizahabwa APR FC nta gihindutse.

Mbere na mbere,FERWAFA yatangaje ko Rutsiro FC irakira Rayon Sports mu Bugesera kuri uyu wa 2 mu mukino w’amakipe ashaka igikombe wasubitswe kubera ko akarere ka Rubavu ikipe ya Rutsiro FC yakiriramo imikino kashyizwe muri Guma mu karere.Uyu mukino uzabera i Bugesera.

Ikipe ya Marines izakinira umukino wayo na Bugesera i Musanze kubera ko itemerewe gukinira kuri Stade Umuganda

Mu makipe 8 arwanira kutamanuka Shampiyona izasozwa Tariki ya 28/06/2021 nyuma y’aho FERWAFA itangaje ko ibaye isubitswe kubera ingamba zo kurwanya Covid-19.

Ku munsi w’ejo,nibwo byamenyekanye ko Ubunyamabanga Bukuru bwa FERWAFA bwandikiye amakipe buyamenyesha ko iyi mikino y’umunsi wa nyuma yimuwe kugira ngo hazabanze gukinwa ikirarane kizahuza Rutsiro FC na Rayon Sports.

Bwagize buti “Dushingiye ku mabwiriza ya Minisiteri y’Ubutegetsi bw’Igihugu yo ku wa 16 Kamena 2021 ajyanye no gukumira ikwirakwira ry’icyorezo cya Coronavirus aho Akarere ka Rubavu kashyizwe muri Guma mu Karere. Bitewe n’uko umukino wagombaga guhuza ikipe ya Rutsiro FC na Rayon Sports ku wa 19 Kamena 2021 utabashije kuba kubera ko Akarere ka Rubavu kari muri Gahunda ya Guma mu Karere;”

“Mu rwego rw’imigendekere myiza ya Primus National League 2021, turabamenyesha ko itariki y’umunsi wa nyuma wa Shampiyona ku makipe umunani ya mbere ihindutse kugira ngo hazabanze gukinwa umukino wasubitswe ugomba guhuza Ikipe ya Rutsiro FC n’Ikipe ya Rayon Sports.”

Nyuma y’imikino itandatu imaze gukinwa, APR FC irakoza imitwe y’intoki ku gikombe nyuma yo gutsinda Marines FC ibitego 6-0, ikayobora Shampiyona n’amanota 16, izigamye ibitego 14 mu gihe AS Kigali binganya amanota, yo izigamye ibitego 10.

Police FC ifite amanota umunani ku mwanya wa gatatu, igakurikirwa na Espoir FC ifite arindwi mu gihe Rayon Sports ifite atanu, imbere ya Marines FC na Bugesera FC zinganya ane naho Rutsiro FC ikaba ari iya munani n’amanota atatu.

Ikipe izaba iya mbere ni yo izahagararira u Rwanda muri CAF Champions League mu gihe iya kabiri, izitabira CAF Confederation Cup.

Imikino isoza umunsi wa nyuma wa Shampiyona mu makipe umunani ahataniye igikombe:

Marines FC vs Bugesera FC
APR FC vs Rutsiro FC
AS Kigali vs Police FC
Rayon Sports vs Espoir FC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa