skol
Kigali

FIFA yahaye igihano gikomeye Rayon Sports kubera kwambura umukinnyi yaguze

Imyidagaduro   Yanditswe na: Dusingizimana Remy 19 October 2021

FIFA yahaye Rayon Sports igihano cyo kutazagura abakinnyi bashya guhera muri Mutarama 2022 ndetse ikanakurwaho amanota 6.

Rayon Sports izize kutishyura umunya-Cameroun Philippe Artur Banen,wasinye imyaka ibiri muri 2020 ariko akaza kwirukanwa mu buryo butemewe n’amategeko.

Mu ibaruwa FIFA yandikiye Rayon Sports ikanamenyesha FERWAFA, ni uko iyi kipe yangiwe kwandikisha abakinnyi mu kindi gihe kizakurikira(next registration period).

Muri iyi baruwa hari aho igira iti “twashakaga kubamenyesha ko ikipe ihagaritswe kwandikisha abakinnyi bashya ku rwego mpuzamahanga byashyizwe mu bikorwa na FIFA guhera ku gihe gitaha cyo kwandikisha abakinnyi.”

FIFA kandi yavuze ko iki gihe kigeze batarishyura iyi kipe igomba no gukurwaho amanota 6 ndetse ikanangirwa kwandikisha abakinnyi b’imbere mu gihugu.

Muri Werurwe uyu mwaka,Ishyirahamwe ry’Umupira w’Amaguru ku Isi (FIFA) ryari ryahaye ubuyobozi bwa Rayon Sports iminsi 45 yo kuba bwamaze kwishyura uyu munya-Cameroon Philippe Arthur Banen nyuma yo kugurwa ntakoreshwe ndetse agasezererwa.

Philippe Arthur Banen ukomoka muri Cameroon yageze mu ikipe ya Rayon Sports mu kwezi kwa Mutarama 2020, asinyishwa amasezerano y’imyaka ibiri ariko ashyirwa ku ntebe bitewe n’uko umubare w’abanyamahanga mu ikipe wari umaze kurenga abakenewe.

Icyo gihe Munyakazi Sadate ni we wari Perezida w’iyi kipe y’Ubururu n’umweru.

Mu ibaruwa FIFA yandikiye ikipe ya Rayon Sports, ikamenyesha n’uyu musore icyo gihe,yategetse ko Philippe Arthur yishyurwa amafaranga 3,245,000 yagombaga kumuha agurwa, ndetse na Frw 9,024,000 y’amande.

FIFA yari yatangaje ko Rayon Sports yishyura aya mafaranga mu gihe kitarenze iminsi 45, ni ukuvuga ukwezi kumwe n’iminsi 15.

Icyo gihe cyarageze Rayon Sports ntiyamwishyura, byatumye mu ntangiriro z’ukwezi kwa Nzeri uyu mwaka,yongera kurega,FIFA itegeka iyi kipe ko nibirenga tariki 1 Ukwakira itari yamwishyura amafaranga imurimo izahita ifatirwa ibihano byo kutagura no kutagurisha abakinnyi mu myaka ibiri iri imbere.

Ibyo bihano rero nibyo yahawe ubu umwaka utaha ntizemererwa kugura abakinnyi.

Uyu musore ukomoka muri Cameroon yari avuye mu ikipe ya Union De Douala y’iwabo, ni umukinnyi ukina asatira agaca ku mpande.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0

APR FC yasezerewe igeze ku muryango w’amatsinda ya CAF Confederations...

Ikipe ya APR FC yananiwe kugera mu matsinda ya CAF Champions League nyuma...
5 December 2021 0

Rayon Sports yongeye kuba insina ngufi imbere ya Kiyovu Sports

Ikipe ya Rayon Sports ikomeje kujya mu bihe bibi muri shampiyona y’u Rwanda...
5 December 2021 0

Cristiano Ronaldo na Luka Modric bagaragaje umukinnyi ukiri muto...

Ibyamamare muri ruhago,Cristiano Ronaldo na Luka Modric bombi batoye...
5 December 2021 0

Kwishima nabi byabyariye akaga Cristiano Ronaldo

Umunyabigwi Cristiano Ronaldo arashidikanywaho ku mukino wa mbere w’umutoza...
4 December 2021 0

Aubameyang amerewe nabi n’abafana ba Arsenal kubera ibyo aheruka...

Kapiteni w’ikipe ya Arsenal, Pierre-Emerick Aubameyang, yateye umujinya...
4 December 2021 0