Ikipe ya APR FC iri kwitegura umukino wo kwishyura na Pyramids FC mu gushaka itike yo kwerekeza mu matsinda ya CAF Champions League.

APR FC irahagurukana abakinnyi 24 kuri uyu wa kabiri, saa 16H00, yerekeza i Cairo mu Misiri.

Umukino ubanza na Pyramids FC i Kigali, amakipe yanganyije 0-0 kuri Kigali Pele Stadium.

Umukino wo kwishyura uri ku wa Gatanu saa 17H00 nta gihindutse.

Uyu munsi Pyramids FC irakina na National Bank.

Ikipe ya APR FC yatakaje abakinnyi babiri barimo Mugisha Gilbert na Nshimirimana Ismaël ’Pitchou’ mu mukino wa shampiyona yanganyije ibitego 2-2 na Marines FC.

Iyi kipe y’Ingabo z’Igihugu iri ku mwanya wa Gatatu wa Shampiyona n’amanota arindwi.