Sponsored Ad
Ikipe ya Gasogi United yagowe cyane n’igice cya kabiri cya shampiyona yivuguruye itsinda Kiyovu Sports igitego 1-0 mu mukino w’umunsi wa 21 wa shampiyona y’icyiciro cya mbere mu gihe AS Kigali na Mukura VS zikomeje umunezero.
Nyuma yo gutsindwa na Mukura VS mu mukino w’umunsi wa 20 wa shampiyona,hanyuma perezida wa Gasogi United, KNC akanenga abakinnyi,bisubiyeho bigaranzura Kiyovu bayitsinda igitego 1-0.
Iki gitego cya Gasogi United cyabonetse ku munota wa 88 gitsinzwe na Kaneza Augustin kuri coup franc, biyifasha gutahana amanota 3.
Uyu n’umukino Gasogi United itsinze mu gice cya kabiri cya shampiyona kuko mu mikino 6 imaze gukina yatakaje 4 itsinda 2.
Mu y’indi mikino yabaye kuri uyu wa Kabiri,Mukura VS yatsinze Heroes FC igitego 1-0 cya Iradukunda Betrand ku munota wa 37 ku mupira mwiza yahawe na Hassan Rugirayabo.
AS Kigali yatsinze AS Muhanga igitego 1-0 cya Ishimwe Christian mu gihe Gicumbi FC yatsindiye Espoir FC i Rusizi igitego 1-0.
Ibitekerezo
MINANI HEMEDI NIWE UTERA UMWAKU KIYOVU BURI MUNSI IYO AVUZE IBIGAMBO KURI RADIO TURATSINDWA.MURAKOZE
MINANI HEMEDI NIWE UTERA UMWAKU KIYOVU BURI MUNSI IYO AVUZE IBIGAMBO KURI RADIO TURATSINDWA.MURAKOZE