Ikipe ya Gasogi United yakoze ibyo benshi batatekerezaga isezerera APR FC mu gikombe cy’Amahoro kuri penaliti 4-3 muri 1/4 cy’irangiza.Umukino wabereye kuri Kigali Pelé Stadium.

Nyuma yo kunganya 0-0 mu mukino ubanza,uwo kwishyura nawo warangiye amakipe yombi anganya 0-0 hitabazwa penaliti.

APR FC ntiyahiriwe kuko Ruboneka Jean Bosco na Victor Mbaoma bahushije penaliti mu gihe Serge Kabanda ariwe wahushije iya Gasogi United.

APR FC yujuje imyaka 7 idatwara igikombe cy’Amahoro.

Muri 1/2 Gasogi United izahura na Police FC yo yasezereye Gorilla FC ku bitego 4-1 mu mikino yombi.

Mu wundi mukino wa 1/2, Bugesera FC yasezereye Mukura VS iyitsinze igitego 1-0 mu mikino yombi.Izahura na Rayon Sports.

Uko imikino yabaye uyu munsi yagenze mu gikombe cy’Amahoro:

Mukura VS&L 0-1 Bugesera FC [Gakwaya Léonard 40’]

Police FC 2-1 Gorilla FC

Abatsinze ibitego:Ismaila Moro[P]34’,Odili Chukwuma 40’ icya Gorilla FC cyatsinzwe na Nshimiyimana Emmanuel 56’