Ikipe ya Gasogi United yasinyishije abatoza bashya bayobowe na Ahmed Adel Abdelrahman ndetse na mugenzi we umwungirije Bahaeldin Ibrahim bakomoka mu gihugu cya Misiri.
Aba bagabo bahawe amasezerano y’umwaka umwe ushobora kongerwa nkuko byatangajwe na Kakooza Nkuriza Charles uzwi nka KNC mu kiganiro n’abanyamakuru cyo kubatangaza ku mugaragaro.
Uyu Ahmed Adel afite impamyabumenyi y’ikirenga (PhD) muri Sports Physics mu gihe na Bahaaeldin Ibrahim afite Bachelor’s degree.
KNC umuyobozi mukuru (...)

Sponsored Ad

Ikipe ya Gasogi United yasinyishije abatoza bashya bayobowe na Ahmed Adel Abdelrahman ndetse na mugenzi we umwungirije Bahaeldin Ibrahim bakomoka mu gihugu cya Misiri.

Aba bagabo bahawe amasezerano y’umwaka umwe ushobora kongerwa nkuko byatangajwe na Kakooza Nkuriza Charles uzwi nka KNC mu kiganiro n’abanyamakuru cyo kubatangaza ku mugaragaro.

Uyu Ahmed Adel afite impamyabumenyi y’ikirenga (PhD) muri Sports Physics mu gihe na Bahaaeldin Ibrahim afite Bachelor’s degree.

KNC umuyobozi mukuru wa Gasogi United yatangaje ko igihe kigeze ngo Gasogi United ireke kuba ingoma y’Abaporoso.

Abdelrahman Ibrahim Adel yageze muri Musanze FC tariki ya 2 Ukuboza 2019, asimbuye Umurundi Niyongabo Amars wari umaze kwirukanwa azira umusaruro mubi.

Nyuma yuko Musanze FC ifatiye icyemezo cyo guhagarika imishahara y’abakinnyi n’abakozi batandukanye b’iyi kipe mu bihe bya Coronavirus kubera ko batarimo gukora akazi basanzwe bahemberwa, bamwe ntibabyakiriye neza barimo n’umutoza Ibrahim wari wungirije wahise asezera.

Inama ya Komite Nyobozi ya Musanze FC yabaye tariki 14 Gicurasi 2020, yanzuye ko iyi kipe itandukana na Ahmed Adel, akishyurwa umushahara w’ukwezi kwa Mata ndetse agahabwa n’uw’ukwa Gicurasi nk’imperekeza. Ahmed Adel yahembwaga 1000$ na Musanze FC.

Mu mikino 12 yatojemo Musanze FC, Ahmed Adel yayihesheje amanota 18 ndetse Shampiyona yahagaze icyo gihe iri ku mwanya wa 11 n’amanota 27 mu mikino 24.