Ikipe ya Gorilla FC yahagamye Rayon Sports banganya 0-0 mu mukino w’umunsi wa kabiri wa shampiyona wabereye kuri Kigali Pele Stadium.

Umunyezamu Hategekimana Bonheur yakuwe mu bakinnyi 11 babanje mu kibuga nyuma yo gutukana n’Umutoza Yamen Zelfani hafi yo kurwana.

Hakizimana Adolphe ni we wabanje mu izamu rya Rayon Sports muri uyu mukino yakiriwemo na Gorilla FC.

Iyi kipe babeshyeraga ko ari murumuna wa Rayon Sports, iri mu makipe ari kuyishobora cyane muri iki gihe muri Shampiyona.

Umwaka ushize yayikuye ku gikombe cya shampiyona iyitsinze ibitego 3-1.

Mu mikino 3 iheruka muri Shampiyona,Rayon Sports iyitsinze 1 banganya 1, Gorilla iyitsinda 1.

Umukino ugiye kurangira,umutoza wa Rayon Sports,Yamen Zelfani yavunwe n’umukinnyi wa Gorilla FC,abaganga baramuvura.

Urutonde ruyobowe na Musanze FC imaze gutsinda imikino yayo yombi n’imbumbe y’amanota atandatu aho izigamye ibitego bine.

Rayon Sports ifite amanota 4 inganya na Kiyovu Sports na Mukura VS, gusa Urucaca ruzigamye ibitego 2.

Bwa mbere nyuma y’imikino 13 ya shampiyona, Rayon Sports inaniwe gutsinda igitego. Byaheruka 05/02/23 Rayon Sports 0-0 Kiyovu Sports.

Imikino Rayon Sports izakurikizaho

01/09 Rayon Sports v Amagaju
17/09 Marines v Rayon Sports
30/09 Police FC v Rayon Sports

Uko imikino yarangiye:

Musanze FC 1-0 Bugesera FC
Sunrise FC 1-0 Etoile de l’Est
Mukura VS 1-0 Marines FC

Ku Cyumweru

Gorilla FC 0-0 Rayon Sports

Ku wa Mbere

APR FC vs Police FC