skol
Kigali

Granit Xhaka yakoreye igikorwa cy’urukundo umufana wa Arsenal wahuye n’uruva gusenya aturutse USA aje kuyireba

Imyidagaduro   Yanditswe na: Dusingizimana Remy 27 December 2021

Umukinnyi wo hagati muri Arsenal,Granit Xhaka,yakoze benshi ku mutima kubera ukuntu yafashije umufana wa Arsenal wari uvuye muri Amerika n’umugore we baje kureba umukino yagombaga guhura na Wolves akamenya ko wasubitswe ubwo yari mu ndege.


Jack Robinson yanditse ku mbuga nkoranyambaga ukuntu yateguye urugendo rwo kuva muri Amerika yerekeza i London kureba umukino wa Arsenal na Wolves mu rwego rwo kwizihiza isabukuru y’imyaka 10 y’ubukwe bwe n’umugore we maze ababazwa cyane no kumenya ko umukino wahagaritswe kubera abakinnyi ba Wolves banduye Covid-19 ku bwinshi.

Robinson n’umugore we Heather bari bicaye mu ndegeyari igiye guhaguruka i St Louis, muri Leta ya Missouri mu rugendo bari barateguye amezi atandatu mbere ubwo inkuru ibabaje yabageragaho.

Robinson yanditse kuri Twitter ati: "Ibi birababaje cyane.

"Nateguye iyi gahunda kandi nayinogeje neza mu gihe cy’amezi atandatu.

"Urugendo rwo mu mpeshyi rwarahagaritswe kuri njye none n’uyu mukino, mbuze amagambo,ndarwaye.

"Njye n’umugore wanjye tumaze imyaka 10dushyingiranwe, kandi nashakaga kumwereka ikintu kidasanzwe, ikintu azahora yibuka ubuziraherezo."

Ubwo yari amaze kubona iyi tweet y’agahinda ya Robinson, umukinnyi wo hagati w’Umusuwisi Xhaka yandikiye Robinson ubutumwa bushimije cyane.

Xhaka yagize ati: "Muraho Jack.

"Nageze mu rugo mvuye ku mukino [na Norwich] kandi nabonye tweet yawe ko wowe n’umugore wawe mwafashe indege muvuye muri Amerika kuza kureba umukino tuzakina na Wolves.

"Nabonye ubabajwe nuko umukino wahagaritswe kuko wari utegereje igihe kinini gufata indege ukaza kutureba.

"Niba ukiri i London ku ya 1 Mutarama 2022, ndashaka kubatumira mu mukino wa Arsenal vs Manchester City nk’umushyitsi wanjye kugira ngo mbashimire urukundo rwanyu kuri Arsenal.

"Ese ibyo byakubera byiza?

"Granit."

Robinson yishimye cyane kandi yashimiye Xhaka n’abandi bafana ba Gunners inkunga bamuteye.

Ikipe ya Arsenal yaraye itangaje ko umukino wayo na Wolves wasubitswe Kubera ko iyi kipe bagombaga gukina yagiye abakinnyi benshi banduye Covid-19.

Wolves ntifite abakinnyi nka Hwang Hee-chan, Rayan Ait-Nouri na Willy Boly bavunitse kongeraho Pedro Neto, Jonny Castro Otto na Yerson Mosquera. Fabio Silva na Mosquera basanganwe Covid-19.


Ubutumwa bwa Xhaka bwakoze benshi ku mutima

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Thibaut Courtois wababaje cyane Liverpool yabwiye amagambo akomeye...

Umunyezamu w’Umuhanga cyane,Thibaut Courtois wa Real Madrid,yavugije induru...
29 May 2022 0

BAL:US Monastir yegukanye igikombe cya BAL 2022

Ku mugoroba wo ku wa Gatandatu, tariki ya 28 Gicurasi 2022,ikipe ya US...
29 May 2022 0

Real Madrid yakomeje ibigwi itwara UEFA Champions League ku nshuro ya 14...

Ikipe ya Real Madrid yatwaye igikombe cya UEFA Champions League ku nshuro...
29 May 2022 0

Real Madrid yongeye kuba ikipe ihenze kurusha izindi zose ku...

Raporo yashyizwe ahagaragara ku wa kane n’abasesenguzi ba Football...
28 May 2022 0

Klopp yahishuye umukinnyi yizeye ko amuhesha igikombe cya Champions...

Umutoza Jurgen Klopp yizeye ko Sadio Mane ashobora kuba umucunguzi ukomeye...
28 May 2022 0

Harry Kane yahishuye ibanga rikomeye ryatumye Ubwongereza bwitwara neza mu...

Rutahizamu Harry Kane wa Tottenham yavuze ko intsinzi y’Ubwongereza mu...
28 May 2022 0