Umutoza Pep Guardiola aratekereza ko ashobora "kuba atari mwiza bihagije" kugira ngo yongere gutwara igikombe cyaChampions League mu mwuga we nyuma yo kugira umubabaro mwinshi wo gusezererwa na Real Madrid muri iki cyumweru.
Ariko uyu mutoza w’imyaka 51 yabwiye abakinnyi be gukoresha ububabare bakuye I Madrid kugira ngo batware igikombe cya Premier League.
Umutoza wa Manchester City yasize iyi yonyine mu minsi mike kugira ngo yiyibagize ijoro ryo kuwa gatatu rya Champions League (...)

Sponsored Ad

Umutoza Pep Guardiola aratekereza ko ashobora "kuba atari mwiza bihagije" kugira ngo yongere gutwara igikombe cyaChampions League mu mwuga we nyuma yo kugira umubabaro mwinshi wo gusezererwa na Real Madrid muri iki cyumweru.

Ariko uyu mutoza w’imyaka 51 yabwiye abakinnyi be gukoresha ububabare bakuye I Madrid kugira ngo batware igikombe cya Premier League.

Umutoza wa Manchester City yasize iyi yonyine mu minsi mike kugira ngo yiyibagize ijoro ryo kuwa gatatu rya Champions League ryamubihiye bikomeye.

Ariko abakinnyi bakoze imyitozo kuri uyu wa gatandatu mu gitondo kugira ngo bategure umukino wa Newcastle wo kuri iki cyumweru.

Guardiola yizera ko "akaga" ka kimwe cya kabiri cy’irangiza bahuriye nako i Bernabeu gashobora kubakomeza mu gihe bashaka uko ko bakomeza kurinda inota rimwe barusha Liverpool muri shampiyona.

Guardiola yagize ati: “Ibyo twahuriye nabyo i Madrid bizadufasha nk’ikipe mu bihe biri imbere.

Abantu ubu ntibabimenya ariko ndakubwiye - ni byiza kuri twe.

Ikibi si ukutagera ku mukino wa nyuma no kuwubaho, ni ukuwureba. Nakwishimira kuhagera - ariko bizaba byiza mu gihe kizaza.

Ubu birasa nkaho ari amahano ariko hasigaye urwibutso rwiza.

Pep yahisemo kutavugana n’abakinnyi be nyuma yo gutsindwa na Real Madrid ibitego 2 mu masegonda asaga 80 ya nyuma y’umukino byatumye amakipe yombi ajya mu nyongera y’iminota 30 - aho penaliti ya Karim Benzema yabashyize hanze.

Guardiola ntabwo arongera kwegukana igikombe cya UEFA Champions League kuva yabikora muri 2011 hamwe na Barcelona - kandi ngo ntashobora kwemeza ko bizamukundira kuri Etihad.

Uyu munya Espagne yagize ati: “Birashoboka ko ntari mwiza bihagije kugira ngo mfashe ikipe kubikora.

"Ntawe uzi uko byari kugenda ku bandi bakinnyi cyangwa abatoza.Byemere.

Dufite ihurizo rikomeye. Dufite umwaka w’imikino mu biganza byacu. ”