skol
Kigali

Habaye impinduka ku mutoza byavugwaga ko ariwe uzahabwa akazi ko gutoza Amavubi

Imyidagaduro   Yanditswe na: Dusingizimana Remy 28 March 2022

Umugabo ukomoka muri Espagne,Carlos Alós Ferrar w’imyaka 47 niwe uhabwa amahirwe menshi yo kuba umutoza mushya w’AMAVUBI nyuma y’uko FERWAFA itabashije kumvikana na Alain Gilesse byavugwaga ko ariwe wifuzwa.

Uyu mugabo watojeho ikipe ya Kazakhstan y’abato, FAR Rabat na Qatar SC niwe uri imbere mu guhabwa akazi ko gutoza Amavubi kuko yemeye amafaranga yahawe na FERWAFA bivugwa ko ari hagati y’ibihumbi 20 na 22 by’amadolari.

Uretse umutoza mukuru,n’Umuyobozi wa Tekiniki agomba gutangazwa vuba aho amahirwe menshi ngo afite Umufaransa witwa Yann Daniélou.

Byitezwe ko nta gihindutse aba bombi batangazwa mu ntangiriro z’iki cyumweru.

Mu mpera z’icyumweru gishize,Umunyamabanga Mukuru wa FERWAFA, Muhire Henry Brulart,yatangarije kuri Televiziyo Rwanda,ko kugeza ubu urugendo rwo gushaka umutoza ruri kugana ku musozo.

Yavuze ko ubwo uru rugendo rwatangiraga, ku rutonde hariho abatoza 17 barimo abo FERWAFA yifuzaga ndetse n’abifuzaga gutoza Amavubi.

Yavuze ko bamwe bagiye babaganiriza imbonankubone mu gihe hari n’abaganirijwe hifashishijwe ikoranabuhanga ry’iya kure.

Muri icyo kiganiro cyo kuwa Gatandatu tariki 26 Werurwe 2022,Muhire yavuze ko urutonde rwagiye rugabanuka hasigara abatoza bane bose bo hanze y’u Rwanda.

Abajijwe igihe umutoza mukuru azatangarizwa, Muhire Henry Brulart yagize ati “Turinjira mu kwezi gutaha yamenyekanye.”

Mu bandi bari basabye akazi harimo Stephen Constantine wasabye kugaruka mu Mavubi kuko yamenyekanye mu Rwanda ubwo yatozaga Amavubi muri 2014 ayafasha kugera ku mwanya mwiza ku rutonde rwa FIFA rutari rwarigeze rugeraho na rimwe.

Muri 2015 u Rwanda rwari ku mwanya wa 64.Uyu mugabo nyuma yerekeje mu Buhinde kugera mu 2019.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yongeye kubabaza Rayon Sports igera ku mukino wa nyuma w’Igikombe...

Ikipe ya APR FC yageze ku mukino wa nyuma w’igikombe cy’Amahoro nyuma yo...
19 May 2022 0

Idrissa Gana Gueye ari guhatirizwa gusaba imbabazi abatinganyi yanze...

Umuyisilamu wahisemo gukina umupira mu ikipe ya PSG,Idrissa Gana Gueye...
19 May 2022 0

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0