Shampiyona y’ icyiciro cya mbere mu Rwanda AZAM Rwanda Premier League’ irakomeza uyu munsi tariki ya 30 Ukuboza 2016, amakipe 2 ya mbere Rayon Sports na APR FC, araba yagiye gukinira hanze y’ibibuga byayo, imwe Iburasirazuba indi Iburengerazuba bw’u Rwanda.
Urutonde rw’ agateganyo ruyobowe na Rayon Sports ifite amanota 26, iri kugitutu cya mukeba wayo APR FC ifite amanota 24. Imikino y’ umunsi wa 11 wa shampiyona ni imikino ifite byinshi isobanuye kuko nta kimwe n’ imwe itifuza gusoza umwaka mu (...)

Sponsored Ad

Shampiyona y’ icyiciro cya mbere mu Rwanda AZAM Rwanda Premier League’ irakomeza uyu munsi tariki ya 30 Ukuboza 2016, amakipe 2 ya mbere Rayon Sports na APR FC, araba yagiye gukinira hanze y’ibibuga byayo, imwe Iburasirazuba indi Iburengerazuba bw’u Rwanda.

Urutonde rw’ agateganyo ruyobowe na Rayon Sports ifite amanota 26, iri kugitutu cya mukeba wayo APR FC ifite amanota 24. Imikino y’ umunsi wa 11 wa shampiyona ni imikino ifite byinshi isobanuye kuko nta kimwe n’ imwe itifuza gusoza umwaka mu byishimo. By’ umwihariho Rayon na APR zo zigomba kwitoramo ikipe isoza umwaka iyoboye urutonde rw’ agateganyo rwa shampiyona.

Kuri uyu munsi kandi byitezwe ko ikipe ya Pepiniere ishobora gusezera muri shampiyona.

Ni imikino y’umunsi wa 11 wa Shampiyona y’u Rwanda, imikino yose uko ari 8 ikaba iri bubere rimwe, ibi byatewe n’uko abayobaozi b’amakipe bifuje ko imikino yari kuzakinwa tariki ya ya 31 Ukuboza 2016 yakimurwa igakinwa mbere kugira abakinnyi bazabone umwanya wo kujya gutangirana ndetse no gusangira n’imiryango yabo umwaka mushya.

Kuri uyu munsi hitezwe imikino 3 ikomeye harimo uwa Rayon Sports ya mbere irerekera Iburasirazuba gusura ikipe ya Kirehe, APR FC ikerekeza Iberengerazuba bw’u Rwanda i Rusizi gusura ikipe ya Espoir ihagaze neza, umukino Pepiniere FC izasura Marines FC ariko ukaba ushobora kutaba bitewe n’uko ikipe ya Pepiniere bivugwa ishobora gusezera muri shampiyona.

Icyo wamenya ku mukino urahuza Rayon Sports na Kirehe FC itozwa na Sogonya Haimis ’Kishi’, ni uko umukino aheruka gutoza ahura na Rayon Sports ari ubwo yatozaga Espoir muri 2013 yatsinze Rayon Sports 2-1, ikindi ni uko bagiye gukinira ku kibuga kitorohera amakipe kuhakura amanota 3.

Ikindi kandi ni uko ibibazo bikomeje kwiyongera muri ba myugatiro bo hagati b’ ibikipe ya Rayon Sports, kuko nyuma Thierry na Ange badahari kuri uyu mukino, hiyongereyeho Munezero Fiston utazagaragara kuri uyu mukino bitewe n’ibibazo afitanye n’ubuyobozi bwa Rayon Sports.

Ku rundi ruhande APR FC iraba yagiye gusura Espoir ihagaze neza kuva iyi shampiyona yatangira, kuko ubwugarizi bw’ayo aribwo bumaze gutsindwa ibitego ibitego bike, dore ko ari 3 mu mikino 10, ni mu gihe APR FC imaze kwinjizwa 7.

APR FC igiye gukina uyu mukino ifite ikibazo mu busatirizi bwayo, kuko ibitego 16 bamaze gutsinda muri iyi mikino 10 atari ibya ba rutahizamu gusa kuko na bamyugariro baratsinda, ikibyemzae ni uko iri ku mwanya wa 2 ariko hakaba nta mukinnyi wayo ugaragara mu bakinnyi 10 bamaze gutsinda ibitego byinshi.

Ikindi wamenya ni uko iki kubuga cya Rusizi kuva iyi shampiyona yatangira cyagiye kigora amakipe yahakiniye, kuburyo kuhakura amanota 3 atari ibintu byoroshye, Rayon Sports niyo yaguha ubuhamya.

Ibi bivuze ko APR FC itsinda Rayon Sports igatakaza Rayon Sports irahita itakaza umwanya wa mbere, itsinda APR FC igatakaza ihita ishyirmo ikinyuranyo cya manota 5 dore ko ubu APR FC ifite 24 mu gihe Rayon ifite 26.

Undi mukino abantu bategereje kumenya ibyawo ni uwo Pepiniere igomba gusuramo Marines FC kuri stade umuganda, ni umukino ushobora kutaba Pepiniere igaterwa mpaga ya 2, impamvu ni uko FEWAFA yangiye iyi kipe kwakirira ku kibuga cyayo cya Ruyenzi, bigatuma n’umukino w’umunsi wa 10 iterwa mpaga kuko itagaragaye ku kibuga cya Kicukiro yagombaga kwakiriraho.

Ubuyobozi bw’iyi kipe bwabwiye FERWAFA ko mu gihe cyose butabemereye gukinira ku kibuga cyabo kandi na mpaga batewe na AS Kigali igakurwaho ntibazabategereze muyindi mu mikino itaha ko ahubwo bagiye gusezera muri shampiyona.

Dore imikino y’umunsi wa 11 yose uko iteye.
Police Fc vs SC Kiyovu (Stade Kicukiro)
Kirehe Fc vs Rayon Sports (Kirehe)
AS Kigali vs Etincelles Fc (Stade de Kigali)
Espoir Fc vs APR Fc (Rusizi)
Musanze Fc vs Bugesera Fc (Nyakinama)
Mukura VS vs Amagaju Fc (Stade Huye)
Sunrise Fc vs Gicumbi Fc (Nyagatare)
Marines Fc vs Pepiniere Fc (Stade Umuganda)