Kuwa mbere nimugoroba,isi yose yamenye uwatwaye Ballon d’or ya 2023 ko ari Lionel Messi wegukanye iki gihembo ku nshuro ya 8, atsinze Erling Haaland na Kylian Mbappé.

Kuri uyu wa gatandatu,amajwi y’uko abantu batoye yashyizwe ahagaragara na France Football.

Kuri uyu wa gatandatu, France Football yagaragaje birambuye amajwi yatanzwe yaba mu banyamakuru 92 bemerewe gutora mu mwaka wa 2023. Uyu mwaka, Messi yarangije afite amajwi 462, arusha cyane Erling Haaland (amajwi 357) na Kylian Mbappé (amajwi 270) ).

ku kinyuranyo cy’amajwi 105, uyu munya Argentine, yatowe ku mwanya wa mbere inshuro 65 kuri 92 zatoye, yatsinze ku manota make ugereranyije na Karim Benzema umwaka ushize, wari ufite amajwi 356 imbere ya Sadio Mané mu 2022.

Muri buri gihugu,umunyamakuru wemerewe gutora yavugaga abakinnyi 5 hanyuma bagahabwa amajwi gutya uko bakurikirana:6, 4, 3, 2 na 1.

Ibihugu nka Cameroun, Cap Vert,Guinée,Jordanie, Salvador n’Ubusuwisi,ntabwo batoye Messi mu bakinnyi batanu beza ku isi.Nibo bonyine ku isi.

Umunyamakuru wo muri Cameroon yatoye mwene wabo Onana ku mwanya wa 4 aho kumuhesha amahirwe yo gutsinda.