Nyiri Arsenal, Stan Kroenke, azaha Mikel Arteta miliyoni 50 z’ama pound yo gukoresha muri Mutarama kugira ngo yongere imbaraga mu ikipe ye kandi akomeze intego yo gushaka igikombe cya shampiyona.
Ikinyamakuru The Sun kivuga ko Arteta yifuza kongera mu ikipe nibura abandi bakinnyi babiri mu ikipe ye kandi nyir’ikipe ya Arsenal, Stan Kroenke, yiteguye kumuha amafaranga agera kuri miliyoni 50 zo gukoresha muri Mutarama.
Arteta arashaka kongeramo umukinnyi ukina imbere hamwe n’uwo hagati (…)

Nyiri Arsenal, Stan Kroenke, azaha Mikel Arteta miliyoni 50 z’ama pound yo gukoresha muri Mutarama kugira ngo yongere imbaraga mu ikipe ye kandi akomeze intego yo gushaka igikombe cya shampiyona.

Ikinyamakuru The Sun kivuga ko Arteta yifuza kongera mu ikipe nibura abandi bakinnyi babiri mu ikipe ye kandi nyir’ikipe ya Arsenal, Stan Kroenke, yiteguye kumuha amafaranga agera kuri miliyoni 50 zo gukoresha muri Mutarama.

Arteta arashaka kongeramo umukinnyi ukina imbere hamwe n’uwo hagati kugira ngo yorohereze akazi Bukayo Saka na Granit Xhaka.

Iyi kipe ngo izongeramo umukinnyi wo hagati wa Palmeiras Danilo ku rutonde rwabo ishaka, mu gihe umwe mu barimo Mykhaylo Mudryk wa Shakhtar Donetsk na Yeremy Pino wa Villarreal azaza kongera imbaraga mu busatirizi.

Bivugwa ko aba batatu bafite agaciro ka miliyoni 25 z’amapound buri umwe.

Ikipe ya The Gunners yicaye ku mwanya wa mbere nyuma y’imikino 11 kandi yatsinze imikino yose usibye ibiri gusa.

Kongera imbaraga muri iyi kipe bizaba ari ingenzi mu gufasha The Gunners guhatanira shampiyona idaheruka mu myaka 19 ishize. Saka na Xhaka barakoze cyane muri uyu mwaka w’imikino bityo bakeneye abasimbura.

Hari amakuru avuga ko iyi kipe yifuza cyane umukinnyi wa Lazio,Sergej Milinkovic Savic kugira ngo ayifashe.