Amakuru aravuga ko Chelsea ishobora kurekura abakinnyi benshi bitarenze ku ya 30 Kamena kugira ngo igure abandi benshi yubahirije amategeko ya FFP.

Sponsored Ad

The Blues yakoresheje asaga miliyari y’amapawundi mu kugura abakinnyi bashya kuva Todd Boehly na bagenzi be bayigura mu 2022.

Nubwo haguzwe abakinnyi benshi ariko,iyi kipe ntiyateye imbere ndetse iri ku mwanya wa 11 muri shampiyona,inaherutse gutsindwa na Liverpool yari yiganjemo abakinnyi bato cyane ku mukino wa nyuma wa Carabao Cup.

Nk’uko ikinyamakuru Telegraph kibitangaza ngo amakipe ahanganye na Chelsea yiteze ko iyi kipe ituye mu Burengerazuba bwa London ishobora kugurisha abakinnyi benshi mbere y’itariki ya 30 Kamena kugira ngo bakusanye miliyoni 100 z’amapawundi zo kugura abandi.

Mu bakinnyi icyenda bivugwa ko bashobora kugurishwa harimo Lewis Hall,Romelu Lukaku,Ian Maatsen,Conner Gallagher,Reece James uhora mu mvune,Trevor Chalobah,Armando Broja,Marc Cucurella na Kepa Arrizabalaga.

Mu bakinnyi Chelsea bahombeye cyane Chelsea harimo umunyezamu Kepa Arrizabalaga yaguze miliyoni 72 muri 2018.

Hari Kandi Marc Cucurella yaguze miliyoni 62 muri 2022 imukuye muri Brighton na Lukaku yagaruye kuri miliyoni 99 z’amapawundi.

Mu bakinnyi Chelsea yifuza cyane harimo umunya Nigeria,Victor Osimhen wa Napoli n’abandi batandukanye.