skol
fortebet

Hamenyekanye akayabo kazakoreshwa mu kuvugurura Stade AMAHORO

Yanditswe: Monday 06, Jun 2022

featured-image

Sponsored Ad

Stade ya Mbere mu Rwanda Stade AMAHORO yatangiye kuvugururwa ndetse byitezwe ko mu myaka 2 iri imbere izaba yuzuye iri mu isura nshya.
Umuyobozi w’agateganyo w’ikigo Cg’igihugu cy’imyubakire Noel Nsanzineza yabwiye RBA ko Stade Amahoro izajya yakira abantu 45 000 ivuye kuri 25 yakiraga abafana bose bicaye neza.
Stade Amahoro izuzura itwaye akabakaba miliyari 170 z’amafaranga y’u Rwanda.Nta gihindutse,Stade Amahoro izuzura muri Nyakanga 2024.
Iyi stade yubatswe mu cyitwa "Amahoro village"agace (...)

Sponsored Ad

Stade ya Mbere mu Rwanda Stade AMAHORO yatangiye kuvugururwa ndetse byitezwe ko mu myaka 2 iri imbere izaba yuzuye iri mu isura nshya.

Umuyobozi w’agateganyo w’ikigo Cg’igihugu cy’imyubakire Noel Nsanzineza yabwiye RBA ko Stade Amahoro izajya yakira abantu 45 000 ivuye kuri 25 yakiraga abafana bose bicaye neza.

Stade Amahoro izuzura itwaye akabakaba miliyari 170 z’amafaranga y’u Rwanda.Nta gihindutse,Stade Amahoro izuzura muri Nyakanga 2024.

Iyi stade yubatswe mu cyitwa "Amahoro village"agace kagiye kubakwamo ibikorwaremezo by’amasitade akomeye arimo BK Arena,stade ya NPC n’izindi.

Guhera muri Gicurasi 2018 ni bwo inkuru y’uko stade Amahoro igiye kuvugururwa yatangiye kuvugwa, tariki ya 20 Nzeri 2019 ni bwo mu buryo bweruye MINISPORTS yandikiye amafederasiyo yose akorera muri stade Amahoro ko bafite ukwezi kumwe (iminsi 30, ni ukuvuga kugeza tariki ya 20 Ukwakira 2019) bakaba bamaze kuva muri stade Amahoro kugira ngo imirimo yo kuyivugurura itangire.

Kuva icyo gihe kugeza mu ntangiriro z’uyu mwaka yari itaratangira kuvugururwa ahanini bitewe n’icyorezo cya COVID-19 cyayikomye mu nkokora, gusa kompanyi yo muri Turikiya yitwa ‘SUMMA’ ifite isiko ryo kuyivugurura ari nayo yubatse Kigali Arena yatangiye imirimo yo kuyivugurura.

Ikigo cy’igihugu gishinzwe imiturire (Rwanda Housing Authority) nicyo gifite mu nshingano ivugururwa ry’iyi Stade ari nacyo gikurikirana imirimo yayo gifatanyije na MINISPORTS nk’umufatanyabikorwa.

Stade Amahoro yatashywe ku mugaragaro tariki ya 5 Nyakanga 1987 ku mukino wahuje Mukura Victory Sports na Panthères Noirs zakiniraga igikombe cyitwaga ‘Trophée Habyarimana’, imirimo yo kubakwa yo yari yaratangiye mu 1983.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa