U Rwanda rukomeje kwitegura igikombe cy’isi cy’abakinnyi bakanyujijeho aho ruri hafi kuzuza Stade Amahoro,yubatswe mu buryo bugezweho.

Sponsored Ad

Uyu munsi nibwo hamenyekanye ko iki gikombe cy’isi kizitabirwa n’abakinnyi batatu batwaye Ballon d’Or barimo George Weah, Michael Owen na Ronaldinho we wanamaze kurarika abakunzi be ngo bazaze kwihera ijisho.

Ibindi bihangange bizahatana ni nka Djibril Cissé, Mboma, Pires,Anthony Baffoe, Geremi Njitap, Douglas Maicon, Jay-Jay Okocha, Charmaine Hooper, Khalilou Fadiga, Patrick M’boma, Gaizka Mendieta na Wael Gomaa n’abandi barenga 100.Ibi byamamare bizaba biri mu Rwanda ku bwinshi muri Nzeri.

Amakuru ahari nuko amatike yatangiye kugurishwa aho umwanya wa macye ku mukino wa mbere uzaba tariki ya 01 Nzeri 2024 saa 18H00,uzaba ari amadolari 16 hafi ibihumbi 17 Frw, mu gihe muri VIP ari amadolari 220…

Umwanya wa BOX ya VVIP ngo izaba ari $2500 nkuko bitangazwa.

Iki Gikombe cy’Isi kizitabirwa n’abanyabigwi 150 baturutse mu bihugu 40, bagabanyije mu makipe umunani azakina imikino 20.

Abatwaye Ballon d’Or bazitabira igikombe cy’isi cy’abakanyujijeho