Amakuru aravuga ko ikipe ya Manchester United yaba ishaka gutira rutahizamu wa Burnley,Umuholandi Wout Weghorst.
Uyu mugabo w’imyaka 30,watijwe mu ikipe ya Besiktas yo muri Turkia n’umwe mu bakinnyi bagowe na Premier League ubwo Burnley yari itaramanuka kuko atatsinze ibitego bikarangira iyi kipe igiye.
Man United iri kugenda igaruka mu bihe byiza ntiyiteguye gushora akayabo ku isoko muri uku kwezi kwa mbere ariyo mpamvu uyu Weghorst ari kuyivugwamo.
Uyu nubwo yatijwe muri Turkia,ngo hari (...)

Sponsored Ad

Amakuru aravuga ko ikipe ya Manchester United yaba ishaka gutira rutahizamu wa Burnley,Umuholandi Wout Weghorst.

Uyu mugabo w’imyaka 30,watijwe mu ikipe ya Besiktas yo muri Turkia n’umwe mu bakinnyi bagowe na Premier League ubwo Burnley yari itaramanuka kuko atatsinze ibitego bikarangira iyi kipe igiye.

Man United iri kugenda igaruka mu bihe byiza ntiyiteguye gushora akayabo ku isoko muri uku kwezi kwa mbere ariyo mpamvu uyu Weghorst ari kuyivugwamo.

Uyu nubwo yatijwe muri Turkia,ngo hari amahirwe ko yakurwayo akoherezwa Old Trafford.

Erik Ten Hag akeneye rutahizamu nyuma yo gutandukana na Cristiano Ronaldo basheshe amasezerano

Yagerageje gutira rutahizamu wa Atletico Madrid,Joao Felix ariko United yanze gutanga akayabo iyi Atletico isaba ngo imurekure.

Atletico ishaka miliyoni 13.5 z’amapawundi ngo itize uyu mukinnyi amezi 6, kandi ikipe imutiye ikamwishyura miliyoni 6 z’amapawundi y’umushahara we.

Weghorst watsindiye Ubuholandi ibitego 2 mu minota ya nyuma bukishyura Argentina mu gikombe cy’isi nubwo butahiriwe na penaliti,amaze gutsinda ibitego 9 n’imipira 4 yavuyemo ibitego mu mikino 18 amaze gukinira Besiktas.

Weghorst yagaragaye asoma ikirango cy’ikipe ya Besiktas hanyuma agaragara anasezera abafana bivugwa ko bishoboka cyane ko yakwerekeza Old Trafford.

United irashaka gukomeza kwitwara neza mu mikino isigaye ya shampiyona ku kugira ngo irebe ko yaza mu myanya 4 ya mbere cyangwa se ikaba yahanganira igikombe.

Biravugwa kandi ko United ishaka umunya Cameroon Vincent Aboubakar kugira ngo nawe aze kuyishakira ibitego cyane ko yamaze gusesa amasezerano na Al Nassr.

Wout Weghorst bivugwa ko yifuzwa na Man United