Ishyirahamwe ry’umupira w’amaguru mu Rwanda @FERWAFA ryatangaje ko amakipe 23 ariyo yiyandikishije gukina imikino y’Igikombe cy’Amahoro harimo amakipe 16 yo mu kiciro cya mbere n’amakipe 7 yo mu kiciro cya kabiri. Iyi mikino biteganyijwe ko izangira muri Werurwe 2022.
Mu Itangazo ryasinyweho n’umunyamabanga mukuru wa FERWAFA,Muhire Henry,mu ntangiriro z’uku kwezi, bamenyesheje aya makipe ko kwiyandikisha kwitabira igikombe cy’Amahoro 2022 bizarangirana na tariki ya 25 Gashyantare 2022.
Amakuru (...)

Sponsored Ad

Ishyirahamwe ry’umupira w’amaguru mu Rwanda @FERWAFA ryatangaje ko amakipe 23 ariyo yiyandikishije gukina imikino y’Igikombe cy’Amahoro harimo amakipe 16 yo mu kiciro cya mbere n’amakipe 7 yo mu kiciro cya kabiri. Iyi mikino biteganyijwe ko izangira muri Werurwe 2022.

Mu Itangazo ryasinyweho n’umunyamabanga mukuru wa FERWAFA,Muhire Henry,mu ntangiriro z’uku kwezi, bamenyesheje aya makipe ko kwiyandikisha kwitabira igikombe cy’Amahoro 2022 bizarangirana na tariki ya 25 Gashyantare 2022.

Amakuru yavugaga ko ikipe izatanga ibaruwa iherekejwe n’inyemezabwishyu y’amafaranga ibihumbi 100 FRW byo kwiyandikisha.

Amakipe yo mu cyiciro cya mbere yiyandikishije azitabira igikombe cy’amahoro harimo ikipe ya APR FC, AS Kigali, Bugesera FC, Espoir FC, Etincelles FC, Etoile de l’Est FC, Gasogi United, Gicumbi FC, Gorilla FC, Kiyovu SC, Marine FC, Mukura VS&L, Musanze FC, Police FC, Rayon Sports FC, Rutsiro FC.

Amakipe y’Ikiciro cya kabiri yiyandikishije kugirango azitabire imikino y’Igikombe cy’Amahoro 2022 harimo Amagaju FC, Heroes FC, Intare FC, Interforce FC, Nyanza FC, Sunrise FC, University of Rwanda FC.

Ingengabihe y’Igikombe cy’Amahoro 2022

Imikino y’amajonjora : Tariki 9 na 15 Werurwe 2022
1/8 cy’irangiza : Tariki 4 na 19 Mata 2022
1/4 cy’irangiza : Tariki 26 Mata na 4 Gicurasi 2022
1/2 cy’irangiza : Tariki 11 na 18 Gicurasi 2022
Umwanya wa 3 : Tariki 17 Gicurasi 2022
Umukino wa nyuma : Tariki 18 Gicurasi 2022.

Ikipe ya As Kigali niyo iheruka gutwara Igikombe cy’Amahoro giheruka gukinwa mu mwaka w’imikino wa 2018-2019, itsinze Kiyovu Sports ibitego 2-1, ku itariki ya 4 Nyakanga 2019.