Sir Jim Ratcliffe uheruka kugura imigabane ingana na 25% muri Manchester United ngo arota guha akazi Zinedine Zidane nk’umutoza w’iyi kipe mushya mu mwaka w’imikino utaha.

Sponsored Ad

Umuherwe w’Umwongereza yamaze guhindura byinshi nyuma imbere mu ikipe, aha akazi Omar Berrada nk’umuyobozi mukuru w’ikipe mu gihe ari gukurikirana uwitwa Dan Ashworth ngo amugire umuyobozi wa siporo.

Ubu igitutu kirimo kwiyongera ku mutoza Erik ten Hag nyuma yo gutungurwa kwa United igatsindwa na Fulham ibitego 2-1.

Ubu umuholandi arushwa amanota umunani n’ikipe ya kane,yasezerewe muri Champions League atarenze amatsinda.

Foot Mercato ivuga ko Ratcliffe ubu arimo kureba inzira yacamo kugira ngo azane Zidane muri United,umwaka utaha.

Uyu mugabo w’imyaka 51 yakoze ibigwi mu mupira nk’umukinnyi mu makipe nka Juventus na Real Madrid hanyuma anatwara Champions League eshatu ari muri Real Madrid.

Umuherwe Ratcliffe yizeye ko ashobora kureshya Zidane akamuzana kuyobora impinduramatwara muri United.

Zidane arifuzwa cyane na Man United