Bayern Munich yegukanye Igikombe cya Shampiyona y’u Budage ku nshuro ya 33, bituma rutahizamu wayo Harry Kane akuraho amateka mabi yari afite yo kuba ataregukana igikombe na kimwe.

Sponsored Ad

Kuri iki Cyumweru, tariki ya 4 Gicurasi 2025, ni bwo Bayer Leverkusen yari ihanganye n’iyi kipe yanganyije na SC Freiburg ibitego 2-2, ibura amahirwe yo gukomeza kwiruka inyuma ya Bayern Munich.

Bayern Munich yagize amanota 76 mu mikino 32 imaze gukinwa muri Bundesliga, irusha amanota umunani Bayer Leverkusen mu gihe habura imikino ibiri.

Umutoza Vincent Kompany yegukanye igikombe cye cya mbere muri Shampiyona y’u Budage, ndetse akaba yaricaye ku mwanya wa mbere kuva mu cyumweru cya gatatu cy’umwaka w’imikino wa 2024/25.

Harry Kane yageze muri iyi kipe avuye muri Tottenham, akaba yarayivuyemo nta gikombe na kimwe ayikuyemo harimo no gutakaza umukino wa nyuma wa UEFA Champions League.