Ikipe ya Manchester United ishobora kugurisha abakinyi bagera kuri 12 mu mpeshyi igiye kuza harimo kapiteni wayo ukina inyuma,Umwongereza Harry Maguire w’imyaka 30.
Mu bandi bavugwa ko ishobora kurekura harimo umunyezamu w’umunya Espagne David de Gea w’imyaka 32, hamwe na rutahizamu w’Umufaransa Anthony Martial w’imyaka 27.
Ikipe ya Manchester United iheruka gusezererwa nabi muri Europa League ndetse ibi byababaje cyane umutoza wayo Erik ten Hag wifuza kurekura bamwe mu bakinnyi badakora.
Ten (...)

Sponsored Ad

Ikipe ya Manchester United ishobora kugurisha abakinyi bagera kuri 12 mu mpeshyi igiye kuza harimo kapiteni wayo ukina inyuma,Umwongereza Harry Maguire w’imyaka 30.

Mu bandi bavugwa ko ishobora kurekura harimo umunyezamu w’umunya Espagne David de Gea w’imyaka 32, hamwe na rutahizamu w’Umufaransa Anthony Martial w’imyaka 27.

Ikipe ya Manchester United iheruka gusezererwa nabi muri Europa League ndetse ibi byababaje cyane umutoza wayo Erik ten Hag wifuza kurekura bamwe mu bakinnyi badakora.

Ten Hag arashaka umunyezamu ushoboye gukinisha amaguru cyane ndetse agatangira umukino ahereye inyuma,ibintu De Gea adafite ubushobozi bwo kubikora, nkuko yabigaragaje mu mukino uheruka batsinzwe na Sevilla ibitego 3-0.

De Gea agiye gusoza amasezerano muri iyi mpeshyi kandi United kuri ubu irimo kuganira na we ngo imuhe amasezerano mashya - ariko bizashoboka ari uko yemeye kugabanya cyane umushahara we w’ibihumbi 375.000 by’amapawundi ahembwa buri cyumweru.

Abandi bakinnyi bavugwa ni Fred na Scott McTominay, Wout Weghorst na Marcel Sabitzer bazasubira mu makipe batiwemo mu gihe abandi nka Anthony Elanga, Donny van de Beek, Brandon Williams, n’abatijwe nka Eric Bailly na Alex Telles bazarekurwa.

The Red Devils irashaka kugura umunyezamu w’umunya-Georgia witwa Giorgi Mamardashvili w’imyaka 22 ukinira Valencia,kuri miliyoni 45 z’amapawundi, kugira ngo asimbure De Gea.