Ubushakashatsi bushya bwerekanye ko umukinnyi wa Arsenal,Nicolas Pep ariwe mukinnyi waguzwe amafaranga menshi cyane ariko agahombera bikomeye abamuguze kurusha abandi bakinnyi bose muri Premier League.
Ikipe ya Gunners yakoze agashya ko kugura umukinnyi uhenze cyane ubwo yaguraga uyu musore w’imyaka 26 wakinaga muri Lille kuri miliyoni 72 z’amapawundi muri 2019.
Ikibabaje,uyu Pepe ntakiboneka muri 11 babanza mu kibuga ndetse mu gihe cyose amaze kuri Emirates,amaze gutsinda ibitego 15 mu (...)

Sponsored Ad

Ubushakashatsi bushya bwerekanye ko umukinnyi wa Arsenal,Nicolas Pep ariwe mukinnyi waguzwe amafaranga menshi cyane ariko agahombera bikomeye abamuguze kurusha abandi bakinnyi bose muri Premier League.

Ikipe ya Gunners yakoze agashya ko kugura umukinnyi uhenze cyane ubwo yaguraga uyu musore w’imyaka 26 wakinaga muri Lille kuri miliyoni 72 z’amapawundi muri 2019.

Ikibabaje,uyu Pepe ntakiboneka muri 11 babanza mu kibuga ndetse mu gihe cyose amaze kuri Emirates,amaze gutsinda ibitego 15 mu mikino 69.

Iyi mibare mibi imushyira ku mwanya wa mbere mu bakinnyi bahombeye amakipe yabaguze akayabo kurusha abandi bose muri Premier League.

Umukinnyi ukinira ikipe ya Chelsea, Timo Werner, aza ku mwanya wa kabiri kuri uru rutonde, kuko amaze gutsinda ibitego birindwi gusa mu mikino 46 kuva yagurwa miliyoni 47.7 z’amapawundi avuye muri RB Leipzig muri Kamena 2020.

Joelinton wa Newcastle yaje ku mwanya wa gatatu kuri uru rutonde kuko amaze gutsinda ibitego birindwi gusa mu mikino 89 nyuma yo kuva muri Hoffenheim.

Icyakora uyu we ameze nk’umukinnyi wongeye kuzuka kubera umutoza mushya Eddie Howe, ubu ukina nk’umukinnyi wo hagati ufasha ba rutahizamu.

Umukinnyi wa Manchester City,Riyad Mahrez n’umusore wa Wolves,Fabio Silva nibo bujuje urutonde rw’abakinnyi batanu ba mbere.

Ubu bushakashatsi bwakozwe na BingoSites, yarebye ibitego byatsinzwe na ba rutahizamu bakinnye byibuze imikino 38 muri Premier League hanyuma bakareba umukinnyi witwaye nabi ugereranyije n’amafaranga yaguzwe.

Amanota yahurijwe hamwe kugira ngo hamenyekane umukinnyi wahombeje ikipe bikomeye ’flop’ muri Premier League kandi yaraguzwe akayabo.

Abakinnyi 10 bafatwa nk’abahombeje amakipe yabo kandi baraguzwe akayabo