skol
Kigali
Fortebet

Hatangajwe amagambo akomeye Cristiano Ronaldo yabwiye bagenzi be bakigaranzura Atalanta

Imyidagaduro   Yanditswe na: Dusingizimana Remy 24 October 2021

Kuwa 3 w’iki cyumweru nibwo United yatunguranye itsinda Atalanta ibitego 3-2 nyamara mu gice cya mbere iyi kipe yari yatsinzwe ibitego 2-0 kuri Old Trafford,bitera benshi uburakari.


Ibitego bya Mario Pasalic na Merih Demiral byafashije Atalanta kuyobora umukino wo kuwa Gatatu ariko igice cya mbere kirangiye Cristiano Ronaldo na Bruno Fernandes bahise basaba bagenzi babo n’umutoza gukora impinduka.

Nyuma y’aho ikipe ye yari itsinze imikino ibiri gusa mu mikino irindwi yaherukaga gukina, ndetse no kuba umukino wa Atalanta wari utangiye kumuca mu myanya y’intoki,umutoza Solskjaer yari afite igitutu cyinshi.

Mu ijoro ryo kuwa Gatatu,uyu mutoza yabonye ukuboko kumufasha,ubwo abakinnyi be bakuru bamufashaga kugaruka mu mukino mu gice cya kabiri batsinda Atalanta yari yabanje kubinjiza 2-0 mu gice cya mbere.

Nk’uko ikinyamakuru The Sun kibitangaza ngo urwambariro rwa United rwarimo amatsinda y’abakinnyi batongana igice cya mbere cya mbere cy’uriya mukino kikirangira hanyuma Solskjaer agerageza guturisha ibintu.

Bivugwa ko Ronaldo ari we wafashe inshingano abaganiriza uko umutoza w’icyamamare wa United,Alex Sir Ferguson yabigenzaga iyo babaga batsinzwe gutyo.

Bivugwa ko Ronaldo mu ijambo yahaye ikipe yose yababwiye ko uko batsinzwe ari ibintu ’’ bidakwiriye ’.

Bivugwa ko uyu mukinnyi ukomeye yabajije bagenzi be bakinana ba United ati ’Ntabwo soni mufite?’ Kandi ngo yababwiye ko imikinire yabo iri hasi cyane ugereranyije nibyo abafana bari babitezeho.

Nyuma y’aya magambo, Ronaldo yahise aburira ikipe ya United ko nibatabasha kugaruka mu mukino, bashobora kwisanga bavuye muri Champions League.

Solskjaer yahise yunganira Ronaldo ashimangira ko ikipe ye ishobora gutsinda umukino baramutse babonye igitego cya mbere nyuma y’ikiruhuko.

Mbere yo gusubira mu kibuga nubwo, ikinyamakuru The Sun kivuga ko Fernandes yasabye Solskjaer guhindura amayeri y’umukino.

Fernandes yashyizwe inyuma ya ba rutahizamu mu gihe Solskjaer yahinduye akina 4-2-3-1 kugira ngo yigaranzureGian Piero Gasperini.

Umukino waje guhinduka mu gice cya kabiri,United itsinda uyu mukino ku bitego 3-2,ibifashijwemo na Rashford,Maguire na Cristiano Ronaldo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yikuye mu nzara za Musanze FC bigoranye,Police FC itsindirwa I...

Bigoranye cyane,ikipe ya APR FC yatsinze Musanze FC ibitego 2-1 ibona...
19 August 2022 0

"Muze guperereza neza muzasanga afite status y’ubuhunzi"-KNC avuga ku...

Perezida wa Gasogi United,Kakooza Nkuriza Charles uzwi nka "KNC" yatangaje...
19 August 2022 0

Kiyovu Sports yaguze ba rutahizamu 2 barimo Umurusiya

Ikipe ya Kiyovu Sports yamaze gusinyisha Rutahizamu Ukomoka mu Burusiya...
19 August 2022 0

Casemiro yemerewe kujya gukora ikizamini cy’ubuzima muri Manchester...

Ikinyamakuru Marca cyanditse ko Real Madrid yahaye uburenganzira Casemiro...
19 August 2022 0

Manchester United mu nzira zo kubona kizigenza Casemiro

Ikipe ya Manchester United iri gushaka abakinnyi bashya batanu mbere y’uko...
18 August 2022 0

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0