Ikirane cya Gatatu muri bitatu n’ubundi yari ifite, ikipe ya Rayon Sports itsinze Sunrise bitatu kuri kimwe ikomeza gushyiramo intera hagati yayo n’amakipe ayikurikiye ari nako ikomeza gukoza imitwe y’intoki ku gikombe.
Igice cya mbere cyatangiye ubona ikipe ya Rayon Sports iri hejuru cyane isatira ikipe ya Sunrise cyane, maze ku munota wa 11 kuri koruneri yari itewe na Kwiezera Pierrot, Camara yahise abona igitego cya mbere cya Rayon Sports yatsindishije umutwe.
Ikipe ya Rayon Sports (...)

Sponsored Ad

Ikirane cya Gatatu muri bitatu n’ubundi yari ifite, ikipe ya Rayon Sports itsinze Sunrise bitatu kuri kimwe ikomeza gushyiramo intera hagati yayo n’amakipe ayikurikiye ari nako ikomeza gukoza imitwe y’intoki ku gikombe.

Igice cya mbere cyatangiye ubona ikipe ya Rayon Sports iri hejuru cyane isatira ikipe ya Sunrise cyane, maze ku munota wa 11 kuri koruneri yari itewe na Kwiezera Pierrot, Camara yahise abona igitego cya mbere cya Rayon Sports yatsindishije umutwe.

Ikipe ya Rayon Sports yakomeje gusatira cyane ari nako igenda ihusha husha uburyo bumwe na bumwe bwakavuyemo ibitego, ku munota wa 36 ku ikosa Babua Samson yakoreye Pierrot umusifuzi yatanze kufura maze yinjizwamo neza Kwizera Pierrot.

Ku munota wa 44 umutoza Casa Mbungo Andre yakoze impinduka akuramo umuzamu Habarurema Gahungu yinjizamo Itangishatse Jean Paul, nyuma y’umunota umwe gusa ku munota wa 45 Shassir yacomekeye Camara umupira mwiza maze acika ba myugariro ba Sunrise maze ahita atsinda igitego cya Gatatu, maze amakipe yombi ajya kuruhuka ari 3 bya Rayon Sports ku busa bwa Sunrise.

Igice cya kabiri cyatangiranye impinduka ku ruhande rwa Rayon Sports Masudi yakuyemo Mugabo Gabriel yinjizamo Rwigema Yves.

Iki gice kandi ikipe ya Rayon Sports yakomeje kurusha cyane ikipe ya Sunrise irayisatira ariko kureba mu izamu biranga.

Ikipe ya Sunrise nayo yagerageje gusatira maze ku munota wa 65 ku mupira Vedaste yapashe n’umutwe Ortomari Alex ariko umupira awutera hanze y’izamu.

Ku munota wa 66 Sunrise yakoze impinduka ikuramo Etienne Fred yinjizamo Iradukunda Pacifique.

Ku munota wa 75 ikipe ya Sunrise yabonye penaliti ku ikosa Munzezero Fiston yakoreye Sinamenye Cyprien maze penaliti yinjizwa neza na Ortomari Alex, biba bibaye 3-1.

Gutsinda uyu mukino kwa Rayon Sports ihise isiga APR FC amanota 11 kuko Rayon Sports ifite amanota 52 mu gihe APR FC ifite 41. Ubu kandi ibirarane bya Rayon Sports byose birarangiye nta kirarane na kimwe asigaranye.