Kuri uyu wa Gatatu, tariki ya 21 Gicurasi 2025, guhera saa Tatu z’ijoro hateganyijwe umukino wa nyuma wa UEFA Europa League hagati ya Manchester United na Tottenham Hotspurs zihurira kuri Stade San Mames y’i Bilbao muri Espgane.

Sponsored Ad

Ni umukino utegerejwe n’abatari bake dore ufite kinini uvuze ku makipe mpande zombi yifuza gukina UEFA Champions League 2025/26.

Amakipe yombi agiye guhura yaragize umwaka mubi cyane muri shampiyona y’u Bwongereza aho ari ku mwanya wa 16 na 17.

Ku ruhande rwa Manchester United, yo iheruka kwegukana Europa League mu 2017, ariko umutoza Roben Ruben Amorim araba ashaka kwegukana igikombe cya mbere kuva ageze mu ikipe yitirirwa Amashitani Atukura mu kwezi k’Ukuboza 2024.

Man United yageze ku mukino wa nyuma nta mukino umwe itsinzwe mu mikino 14 muri iri rushanwa.

Inkuru nziza muri Manchetser United yagaruye abakinnyi batatu barimo Diogo Dalot, Joshua Zirkzee na Leny Yoro.

Umutoza wa Manchester United Ruben Amorim, yavuze ko badatwaye igikombe ntacyo byaba bimaze kuribo.

Tottenham Hotspurs iyasezereye FK Bodø/Glimt muri ½ igera ku mukino wa nyuma.

Mbere y’uyu mukino, Ange Postecoglou yagize ati: “Ni wo mukino w’ingenzi kuri njye, ariko ntekereza ko binareba abakinnyi banjye kuko twifuza gusoza umwaka dufite igikombe.”

Iyi kipe irakina uyu mukino idafite abakinnyi bakomeye barimo James Maddison, Dejan Kulusevski.

Uyu mukino urasifuzwa n’umudage Felix Zwayer w’imyaka 44.

Ikipe yegukana igikombe hagati y’impande zombi irakora amateka yo kuba ikipe ya mbere yegukanye irushanwa rikomeye i Burayi iri ku mwanya mubi muri shampiyona yiwabo.

Abaknnyi 11 bashobora kubanzamo hagati y’impande zombi

Tottenham Hotspurs:

Vicario, Petro Porro, Cristian Romero Van de Ven, Destiny Udogie Yve Bissouma, Sarr, Johnson Bentancur, Heung Son na Dominic Solanke.

Manchester United:

Andre Onana, Victor Lindelof, Harry Maguire, Luke Shaw, Mazraoui Casemiro, Ugarte, Dorgu, Amad Diallo, Bruno Fernandes na Ramus Hojlund.

Manchester United yegukanye Europa League mu 2017 Manchester United iracakirana na Tottenham Hotspurs mu mukino w’ishiraniro