Ishyirahamwe ry’umupira w’amaguru mu Rwanda ryandikiye amakipe riyamenyesha ko irushanwa ry’igikombe cy’amahoro cyaherukaga muri 2019 ryongeye kugaruka ndetse risaba aba banyamuryango kwiyandikisha.
Kuri uyu wa Kabiri, tariki ya 8 Gashyantare 2022, ni bwo FERWAFA yandikiye amakipe iyamenyesha ko “irushanwa ry’Igikombe cy’Amahoro cy’umwaka wa 2022 riteganywa gutangira mu kwezi kwa Gatatu 2022.”
Yakomeje ivuga ko “amakipe ashaka gukina iryo rushanwa yiyandikisha bitarenze tariki ya 25 Gashyantare (...)

Sponsored Ad

Ishyirahamwe ry’umupira w’amaguru mu Rwanda ryandikiye amakipe riyamenyesha ko irushanwa ry’igikombe cy’amahoro cyaherukaga muri 2019 ryongeye kugaruka ndetse risaba aba banyamuryango kwiyandikisha.

Kuri uyu wa Kabiri, tariki ya 8 Gashyantare 2022, ni bwo FERWAFA yandikiye amakipe iyamenyesha ko “irushanwa ry’Igikombe cy’Amahoro cy’umwaka wa 2022 riteganywa gutangira mu kwezi kwa Gatatu 2022.”

Yakomeje ivuga ko “amakipe ashaka gukina iryo rushanwa yiyandikisha bitarenze tariki ya 25 Gashyantare 2022.”

Kwiyandikisha ikipe izatanga ibaruwa iherekejwe n’inyemezabwishyu y’amafaranga ibihumbi 100 byo kwiyandikisha.

Igikombe cy’Amahoro gitanga ikipe iserukira u Rwanda muri CAF Confederation Cup, cyari kimaze imyaka ibiri kitaba bitewe n’icyorezo cya COVID-19.

Cyaherukaga gukinirwa mu 2019 aho cyegukanywe na AS Kigali itsinze Kiyovu Sports ibitego 2-1 ku mukino wa nyuma.

Iki gikombe cya 2022, kigiye kuba nyuma y’uko cyari kimaze imyaka 2 kitaba, kubera icyorezo cya COVID-19 cyageze mu Rwanda muri Werurwe 2020 kigahagarika ubuzima busanzwe.