Umutoza w’Ubuholandi,Louis Van Gaal yavuze ko agiye kongera gusezera ku butoza nyuma yo gusezererwa na Argentina mu gikombe cy’isi kuri penaliti 4-3.
Louis van Gaal wari warasezeye ku kazi ko gutoza,yaratunguranye agarurwa n’Ubuholandi bwari bwarashobewe abusubiza mu gikombe cy’isi 2022.
Mu ijoro ryo kuri uyu wa gatanu, Abaholandi bahatanye bishyura Argentina ibitego 2-0 yari yabatsinze mu minota 83 y’umukino,birangira bageze mu minota 30 y’inyongera.
Icyakora ntibabashije kurangiza akazi uko (...)

Sponsored Ad

Umutoza w’Ubuholandi,Louis Van Gaal yavuze ko agiye kongera gusezera ku butoza nyuma yo gusezererwa na Argentina mu gikombe cy’isi kuri penaliti 4-3.

Louis van Gaal wari warasezeye ku kazi ko gutoza,yaratunguranye agarurwa n’Ubuholandi bwari bwarashobewe abusubiza mu gikombe cy’isi 2022.

Mu ijoro ryo kuri uyu wa gatanu, Abaholandi bahatanye bishyura Argentina ibitego 2-0 yari yabatsinze mu minota 83 y’umukino,birangira bageze mu minota 30 y’inyongera.

Icyakora ntibabashije kurangiza akazi uko babyifuzaga,kuko bananiwe gutera penaliti barasezererwa muri 1/4 cy’irangiza.

Nyuma y’uyu mukino,Umutoza Van Gaal yagize ati "Mbere ya byose,sinzakomeza gutoza.Nabikoze muri iki gihe.Uyu niwo mukino wanjye wa nyuma ku nshuro yanjye ya gatatu nk’umutoza mukuru.

Muri iki gihe,natoje imikino 20 kandi nta n’umwe twatsinzwe.Ntabwo nibuka imikino twatsinze ariko mwashaka kuri Google mwanditse ngo " ‘Louis van Gaal, Dutch team’ mukabona itandukaniro.

Ndabona ari intambwe nziza.Hamwe n’Ubwongereza,nitwe makipe ataratsindwa na Croatia na Maroc.Ntabwo ntekereza ko twatsinzwe uyu munsi.Ni penaliti gusa zatewe.Icyo nsize inyuma n’ikipe nziza.

Kuri njye mu bushobozi bwanjye ndabona yari hafi kugera ku ntego kandi ifite impano.Twakinnye n’ibihugu bikomeye ariko byasezerewe rugikubita.

Van Gaal niwe mutoza utaratsindwa mu gikombe cy’isi ariko asezerewe kabiri kuri penaliti n’igihugu kimwe gusa,Argentina.

Muri Mata,Van Gaal yahishuye ko yarwaye kanseri mu dusabo tw’intanga ariko yanga kubivuga kugira ngo abakinnyi be bite ku gushaka itike y’igikombe cy’isi.

Ku rundi ruhande,umutoza wa Brazil,Tite,nawe yeguye ku mirimo ye nyuma yo gusezererwa muri 1/4 na Croatia imutsinze kuri penaliti,mu mukino bari banganyijemo igitego 1-1 mu minota 120.

Tite yari amaze imyaka 6 atoza Brazil ariko yananiwe kuyigeze ku gikombe cy’isi nkuko abafana bayo babyifuzaga.

Tite nabwo yaherukaga gusezererwa muri 1/4 cy’irangiza mu gikombe cy’isi cya 2018 n’Ububiligi bwabatsinze ibitego 2-1 gusa yahesheje Brazil Copa America ndetse ayigeze ku mukino ’iya 2021 aho batsinzwe na Argentina.