Emmanuel Arnold Okwi rutahizamu w’umugande warumaze igihe avugwa muri Kiyovu Sports yasinyiye amasezerano y’umwaka umwe muri AS Kigali.

Sponsored Ad

Ni amakuru yatangajwe ku mugoroba wo kuri uyu wa Kane tariki 15 Kanama 2024 ko Emmanuel Okwi yasinye amasezerano y’umwaka umwe nk’umukinnyi mushya wa AS Kigali nyamara yari yitezwe muri Kiyovu Sports .
Emmnuel Okwi yageze mu Rwanda mu ijoro ryo ku wa Gatatu tariki 7 Kanama 2024 aje muri Kiyovu Sports cyane ko Perezida wayo Nkurunziza yari yemereye abafana ko Okwi agomba kugaruka muri iy’ikipe yakiniye mubihe byatambutse.

Amakuru avuga ko ikipe ya Kiyovu Sports yari yemereye Okwi agera kuri Miliyoni 21 z’amafaranga y’u Rwanda ariko nyuma baza kwisubiraho bamubwira ko azahabwa Miliyoni 15.
Uyu rutahizamu w’Umugande yahise ahindura ibitekerezio ndetse atangira gutekereza gusubira muri Uganda.
Ikipe ya AS Kigali yakurikiraniraga hafi ibya Okwi ,bitunguranye ku mugoroba wo kuri uyu wa Kane tariki 15 Kanama 2024 yatangaje Emmanuel Okwi nk’umukinnyi wayo mushya muri Shampiyona 2024-25.