skol
Kigali

Ikipe y’Igihugu y’Abatarengeje imyaka 23 na Scandinavia zikuye muri CECAFA

Imyidagaduro   Yanditswe na: Dusingizimana Remy 9 July 2021

Ikipe y’Igihugu y’Abatarengeje imyaka 23 yari kwitabira irushanwa rya CECAFA ryari kubera muri Ethiopia hagati ya tariki ya 17 n’iya 31 Nyakanga 2021 ndetse na Scandinavia WFC yari kwitabira imikino yo gushaka itike yo gukina CAF Women Champions League, zose zikuye muri iyo mikino kubera ubwiyongere bw’ubwandu bwa COVID-19 mu Rwanda no mu Karere.


Kuri uyu wa Gatanu, tariki ya 9 Nyakanga 2021, ni bwo Ishyirahamwe ry’Umupira w’Amaguru mu Rwanda, ryashyize ahagaragara ibaruwa igenewe abanyamakuru, ivuga ko aya makipe yombi yari guhagararira igihugu mu mahanga, atacyitabiriye.

Ryagize riti “Bitewe n’ubwiyongere bwa COVID-19 mu Rwanda n’akarere ruherereyemo by’umwihariko, bikajyana n’uko haba haramaze kugaragara ubwoko bwa COVID-19 yihinduranyije bwa ‘Delta’;”

“Hashingiwe kandi ku ngamba nshya ziheruka gushyirwaho na Guverinoma zerekeye gukumira COVID-19 zirimo gufunga ibikorwa bimwe mu gihugu no guhagarika ibikorwa by’imikino abantu bakina bakoranaho ndetse hagahagarikwa ingendo hagati y’intara n’Umujyi wa Kigali.”

FERWAFA yakomeje ivuga ko yamenyesheje CECAFA ko Amavubi U-23 atazitabira imikino izabera muri Ethiopia hagati ya tariki ya 17 n’iya 31 Nyakanga mu gihe kandi na Scandinavia WFC itazitabira imikino yo gushaka itike ya CAF Women Champions League muri Zone ya CECAFA, izaba hagati ya tariki ya 17 n’iya 31 Nyakanga 2021 muri Kenya.

Guhagarika kwitabira aya marushanwa bije bikurikira ihagarikwa ry’amarushanwa y’imbere mu gihugu haba muri Basketball na Volleyball.

Amavubi yari amaze iminsi akora imyitozo kuri Stade Amahoro, aho mu bakinnyi bari bitabiriye umwiherero harimo n’abavuye i Burayi.

Muri tombora yabaye ku wa Gatatu, Scandinavia WFC yari yisanze mu itsinda rya Gatatu (C) aho iri kumwe na FAD yo muri Djibouti na Vihiga Queens yo muri Kenya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0