Ikipe ya AL Ittihad yamaze kumvikana na Danilo Pereira wa PSG ihita itanga ubusabe mu ikipe ya Arsenal buherekejwe na Miliyoni 35 z’amapawundi ,kuri Leandro Trossard wamaze kugaragaza ko atishimiye iminota ahabwa muri iy’ikipe.

Nk’uko tubikesha umunyamakuru w’Umutaliyani Fabrizio Romano ,Umunya-Portigal Danilo Pereira usanzwe ukinira ikipe ya Paris Saint-Germain ,yamaze kumvikana n’ikipe ya Al Ittihad yo muri Saud Arabia ,ibiganiro biri ku musozo mbere y’uko isoko ry’igura n’igurisha rifunga muri Saud Arabia.

Danilo Luís Hélio Pereira usanzwe ukina nka myugariro , yazamukiye muri Benfica Lisbon yo muri Portigal nyuma yo gusinyira ikipe ya Palma muri 2010 ,ayivamo 2013 ajya muri Marítimo, yavuyemo 2015 ajya muri FC Porto ,yaje kuvamo muri 2021 ajya muri PSG.

Nyuma yo Kumvikana na Danilo Pereira ikipe ya Al Ittihad irifuza Leandro Trossard umu-Biligi usanzwe ukinira ikipe ya Arsenal yo mu Gihugu cy’Ubwongereza .

Nyuma y’uko ikipe ya Al Ittihad yohereje ubusabe muri Aresnal ishaka Trossard ,iy’ikipe yahise isubiza ko itufuza kurekura uy’umukinnyi ukomoka mu Gihugu cy’Ububiligi.

Ubu amaso yose ikipe ya Al Ittihad iyahanze umunya-Brazil uca kuruhande mu ikipe ya ya FC Porto ,Nascimento Galeno ikizba yatanze ubusabe buherekejwe na Miliyoni 45 z’amapawundi.