Ikipe ya Chelsea yatangaje ko itsinda riyobowe na Todd Boehly, Clearlake Capital, Mark Walter na Hansjoerg Wyss bamaze kumvikana kuyigura kuri miliyari 2.5 z’amapawundi.
Mu itangazo iyi kipe yashyize hanze yavuze ko ayo mafaranga yaguzwe iyi kipe agomba gushyirwa kuri konti ya Roman Abramovich yafatiriwe n’Ubwongereza ndetse akazakoreshwa mu bikorwa byo gufasha abagizweho ingaruka n’intambara Uburusiya bwashoye kuri Ukraine.
Muri iri tangazo ry’ikipe havuzwe ko aba bashoramari biteguye (...)

Sponsored Ad

Ikipe ya Chelsea yatangaje ko itsinda riyobowe na Todd Boehly, Clearlake Capital, Mark Walter na Hansjoerg Wyss bamaze kumvikana kuyigura kuri miliyari 2.5 z’amapawundi.

Mu itangazo iyi kipe yashyize hanze yavuze ko ayo mafaranga yaguzwe iyi kipe agomba gushyirwa kuri konti ya Roman Abramovich yafatiriwe n’Ubwongereza ndetse akazakoreshwa mu bikorwa byo gufasha abagizweho ingaruka n’intambara Uburusiya bwashoye kuri Ukraine.

Muri iri tangazo ry’ikipe havuzwe ko aba bashoramari biteguye gushyira mu ikipe miliyari 1.75 z’amapawundi azakoreshwa mu kubaka ikipe yaba mu bagabo n’abagore,kubaka ikibuga Stamford Bridge n’icy’ikipe y’abagore n’amashuri yigisha umupira ndetse no kugura abakinnyi.

Ibisabwa byose bizarangirana n’uku kwezi hanyuma iyi ikipe ive burundu mu maboko ya Roman Abramovich.

Ikindi cyavuzwe muri iryo Tangazo nuko Guverinoma y’Ubwongereza ariyo izasabwa ko amafaranga yaguzwe Chelsea akurwa kuri iyo konti ya banki ya Roman yo mu bwongereza yahagaritswe akajyanwa gufasha nk’uko byemejwe na Roman Abramovich.

Biteganijwe ko kugurisha ikipe bizarangira mu mpera za Gicurasi hashingiwe ku byemezo byose bikenewe. Ibisobanuro birambuye ngo bizatangwa icyo gihe.

Roman Abramovich yaguze Chelsea muri 2003 ayigura ari ikipe ntoya mu Bwongereza ariko yayirekuye ari ikipe y’ikigugu yatwaye ibikombe yaba imbere mu gihugu no ku mugabane w’i Burayi.