Ikipe ya Crystal Palace yo mu Bwongereza yamaze kwemeza ko umuholandi Frank de Boer w’imyaka 47 ari we mutoza mushya ugiye kubatoza nyuma yo gusezera kwa Sam Allardyce mu mpera za shampiyona yashize. Uyu mugabo agizwe umutoza w’iyi kipe nyuma yo kwirukanwa na Inter Milan yo mu Butaliyani mu kwezi kwa cyenda k’umwaka ushize kubera umusaruro mubi ,aho yasinye amasezerano y’imyaka 3 ari umutoza w’iyi kipe ikunze gutazirwa “the Eagles”.
Uyu mutoza wagize ibihe byiza atoza ikipe ya Ajax (...)

Sponsored Ad

Ikipe ya Crystal Palace yo mu Bwongereza yamaze kwemeza ko umuholandi Frank de Boer w’imyaka 47 ari we mutoza mushya ugiye kubatoza nyuma yo gusezera kwa Sam Allardyce mu mpera za shampiyona yashize.

Uyu mugabo agizwe umutoza w’iyi kipe nyuma yo kwirukanwa na Inter Milan yo mu Butaliyani mu kwezi kwa cyenda k’umwaka ushize kubera umusaruro mubi ,aho yasinye amasezerano y’imyaka 3 ari umutoza w’iyi kipe ikunze gutazirwa “the Eagles”.

Uyu mutoza wagize ibihe byiza atoza ikipe ya Ajax Amsterdam aho yayihesheje ibikombe 4 bya shampiyona inshuro 4 yikurikiranya (2011-2014), akimara gusinya yatangaje ko ashimishijwe no kuza mu Bwongereza gutoza iyi kipe iba mu mugi wa London.

Yagize ati “Nkunda iyi kipe kandi nishimiye kuza gutoza ikipe yo muri Premier League.Iyi kipe igiye gukomeza gutera imbere cyane kuko amakipe yo mu Bwongereza asohora amafaranga menshi buri mwaka bityo biroroha gukora ikintu cyiza.Hari umushinga wo gutuma iyi kipe ikomera muri shampiyona.Ngiye kureba abakinnyi bose gusa ndumva tuzongeramo abakinnyi nka babiri.”

Uyu mutoza wifujwe kuva kera n’amakipe menshi yo mu Bwongereza birangiye asinyiye ikipe ya Crystal Palace aho yitezwe guhindura umupira w’iyi kipe ukaba nk’uw’Abaholandi wo gukina bahererekanya imipira migufi aho byorohera ikipe gutsinda.