Ikipe ya Pyramids izahura na Apr FC mu mikino ibiri ya Caf Champions League yatwaye igikombe cy’Igihugu mu Misiri.

Sponsored Ad

Ni mu mukino wabaye ku Gatanu tariki 30 Kanama 2024,ubera kuri Borg El Alab Stadium saa mbiri z’umugoroba.
Pyramid yatsinze ikipe ya FC Masr igitego 1-0 cyabonetse ku munota wa 87 gitsinzwe na Fiston Mayele.

Mu ijonjora rya kabiri rya Caf Champions League tariki 13 Nzeri ,ikipe ya APR FC izakira Pyramids kuri Stade Amahoro.
Tariki 20 Nzeri hazakinwa umukino wo kwishyura ubere mu Misiri.
Si ubwambere ikipe ya APR FC igiye guhura na Pyramids kuko muri 2023 ay’amakipe yombi yakinnye imikino ibiri muri Caf Champions League ,aho mu mukino ubanza wabereye i Kigali banganyije 0-0,mu gihe umukino wo kwishyura wabereye mu Misiri ikipe ya Pyramid yanyagiye APR FC 6-1.

Ikipe ya APR FC yageze mu ijonjora rya kabiri isezereye ikipe ya Azam FC yo muri Tanzaniya ku giteranyo cy’ibitego 2-1 mu mikino ibiri.