Umukino ubanza wa ½ cy’Igikombe cy’Amahoro wahuzaga APR FC na Kiyovu Sports, urangiye amakipe yombi anganya igitego 1-1. Biteganyijwe ko uwo kwishyura uzabera kuri Kigali Pelé Stadium ku Cyumweru, tariki ya 14 Gicurasi 2023.

Sponsored Ad

Undi mukino wabaye, n’uwahuzaga Mukuru VS na Rayon sport , aho iyi Rayon Sports iturutse inyuma, itsinda Mukura VS ibitego 3-2 mu mukino ubanza wa 1/2 cy’Igikombe cy’Amahoro waberaga kuri Stade ya Huye.

Rutahizamu w’Umunya-Uganda ukinira Mukura Victory Sports, Robert Mukoghotya, yari yemereye abafana b’ikipe ye ko ari bubatsindire Rayon Sports akayisezerera mu mukino ubanza wa ½ cy’Igikombe cy’Amahoro cya 2023.

Mu butumwa bw’amashusho bwakwirakwiriye ku mbuga nkoranyambaga, uyu rutahizamu yabajijwe n’Umunyamakuru Twizerimana Héritier ushinzwe Itangazamakuru muri Mukura VS uko biteguye umukino wa Rayon Sports nyuma y’imyitozo ya mu gitondo bakoreye kuri Stade ya Huye ari na yo izakira uyu mukino.

Birangiye rero ikiere uyu rutahizamu yahaye abafana ba Mukura Victory Sport kiraje amasindi kuko birangiye Mukura VS 2-3 Rayon Sports

Umukino wo kwishyura uzabera kuri Kigali Pele Stadium ku wa Gatandatu, tariki ya 13 Gicurasi 2023.