skol
Kigali
Fortebet

"Imana Ishimwe ko FERWAFA ari imwe ibaze iyo ziba 30 nk’uturere"-Ingabire Marie Immaculée

Imyidagaduro   Yanditswe na: Dusingizimana Remy 11 July 2022

Mu kiganiro cyarimo Umuvunyi mukuru,Ingabire Marie Immaculée uhagarariye Umuryango uharanira kurwanya ruswa n’akarengane mu Rwanda,yavuze kuri ruswa iri mu Ishyirahamwe ry’umupira w’amaguru FERWAFA, yemeza ko afite ibimenyetso byemeza ko harimo iteye ubwoba.

Mu kiganiro Madamu Ingabire yagiranye na Isango Star cyagarutse kuri ruswa ikomeje kugaragara mu Rwanda,yavuze ko mu Rwanda harimo ruswa mu bigo bitandukanye by’umwihariko muri FERWAFA.

Yagize ati "Iby’umupira w’amaguru,Twandikiye na Minisitiri wa Siporo wari uriho icyo gihe,kuko ubu siwe ugihari.Tumwereka ibibazo byari muri FERWAFA biteye ubwoba bizamo na ruswa ishingiye ku gitsina,no kunyereza umutungo wa leta.

Hari amafaranga menshi FIFA iboherereza niba ari amadolari ibihumbi 10 ya Perezida wa FERWAFA ariko aba agomba gutanga umusoro,akanga kuwishyura,amakuru akatugeraho.Barangije baratubwira ngo ntibiri mu nshingano zabo....Twaramubajije tuti biri mu nshingano zande?.Yagiye ataramutubwira.

Harimo ruswa rwose[muri FERWAFA],iteye ubwoba.Naravuze nti Imana ishimwe ko FERWAFA ari imwe,iyo ziba 30 nk’uturere dufite,uru Rwanda ruba rwarahiye.

Njyewe mfite ibimenyetso...abaje gutora hariya kuri hoteli iri mu nzira ijya ku kibuga cy’indege [Hilltop].Abaje gutora bose niho baraye,hoteli yishyuwe n’umuntu umwe.Ibyo tubifitiye ibimenyetso kuko nabyikuriye kuri Hoteli barabimpaye kuko si ibanga,igitabo bandikamo abantu na fagitire zishyuwe n’umuntu umwe.

Uwo muntu yabaye umuryango ufasha ryari?.ko bitari mu mategeko ya FERWAFA kwishyurira abanyamuryango,yabishyuriye nkande,akanama barayemo kize ku zihe ngingo...Ibyo byose bashatse kubikurikirana babibona."

Madamu Ingabire yavuze ko abanyarwanda bagomba kumva ko ruswa atari amafaranga gusa kuko n’icyenewabo,ruswa ishingiye ku gitsina n’ibindi nabyo ari ruswa kandi nabyo bimaze gufata intera.

Yasabye inzego bireba guhaguruka bakongera gufatanya kurwanya ruswa yanageze mu bacamanza kuko ntawe ubakurikirana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble joy

    Uwakwereka ruswa irimumyubakire kubona abantu basigaye bubaka mumuhanda nyamara abo basanze batuye barakurikijimbibi.bahamagara ubuyobozi bukabasenyesha nyuma ntibisenywe kandi bigaragara ruswa imeze nabi I muhanga

    4 weeks ago

Inzindi nkuru

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0

Byabarenze bararwana ubwabo!!! Abafana ba Manchester United batangiye...

Ibintu bitangaje bikomeje kugaragara mu ikipe ya Manchester United kuko...
8 August 2022 0

U Rwanda habuze gato ngo rutware umudali mu mikino ya Commonwealth

Ikipe y’u Rwanda ya Beach Volley mu mikino ya Commonwealth Games yafashe...
8 August 2022 0

Manchester United yatangiye nabi cyane shampiyona,City yongera gukanga...

Ikipe ya Manchester United yatangiye umwaka w’imikino nabi nkuko yashoje...
7 August 2022 0

Chelsea na Liverpool ntabwo zanyuze abafana bazo ku munsi wa mbere wa...

Darwin Nunez yavuye ku ntebe y’abasimbura arokora Liverpool yari yahagamwe...
6 August 2022 0