skol
Kigali

Imanishimwe Emmanuel yerekanwe ku mugaragaro mu ikipe ya AS FAR Rabat

Imyidagaduro   Yanditswe na: Dusingizimana Remy 5 August 2021

Myugariro Imanishimwe Emmanuel wakiniraga APR FC,yerekanwe ku mugaragaro n’ikipe ye nshya ya FAR Rabat yo muri Maroc ndetse yemeza ko yiteguye gutanga imbaraga ze zose kugira FAR Rabat itere imbere.


Mu mashusho yashyizwe hanze n’iyi kipe,uyu munyarwanda yagaragaye asura inyubako iyi kipe ibikamo ibikombe byayo byari byinshi cyane.

Imanishimwe yavuye mu Rwanda mu rukerera rwo ku Cyumweru, tariki ya 1 Kanama 2021, yerekeza muri iyi kipe yo muri Maroc yabanje yabanje kumvikana na APR FC.

Mu mashusho y’umunota n’amasegonda 52 yashyizwe hanze na AS FAR, Imanishimwe yagize ati “Nitwa Imanishimwe Emmanuel, ndi umukinnyi wa ASFAR, mfite imyaka 26 kandi nkina inyuma ku ruhande rw’ibumoso.”

Yakomeje agira ati “Ndi hano, nishimiye cyane kuba ndi hano muri AS FAR, nzatanga buri bushobozi n’imbaraga zanjye muri iyi kipe kugira ngo izamuke. Ndashimira buri umwe, ndabifuriza ibyiza muri iki gihugu, muri iyi kipe. Dima- ASFAR.”

Ubwo yageraga i Rabat, aho ikipe ikorera, Imanishimwe yakiriwe n’abana babiri bato bambaye umwambaro wayo, bamusanganiza indabo.

Uyu mukinnyi w’imyaka 26, wari ugifite amasezerano muri APR FC, yaguzwe ibihumbi 130$ (agera kuri miliyoni 130 Frw) mu gihe we ubwe yahawe ibihumbi 300$ (miliyoni 300 Frw) ku masezerano y’imyaka itatu. Bivugwa ko umushahara we uzaba ari 5700$ (asaga miliyoni 5,7 Frw) ku kwezi.

Imanishimwe Emmanuel ‘Mangwende’ yari amaze imyaka itanu muri APR FC, aho yayigezemo mu 2016. Yari avuye muri Rayon Sports yakiniye imyaka ibiri nyuma yo kuva muri Aspor FC.

Asanzwe ari umukinnyi ubanza mu kibuga inyuma ku ruhande rw’ibumoso mu Ikipe y’Igihugu ‘Amavubi’ yatangiye guhamagarwamo mu 2016.

AS FAR ni ikipe y’igisirikare cy’ubwami bwa Maroc, yashinzwe mu 1958, umwaka w’imikino uheruka yabaye iya 3, iyi kipe ibitse ibikombe 12 bya shampiyona, 11 by’igihugu, CAF Champions League y’1985, Confederation Cup ya 2005 n’ibindi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Carlo Ancelotti yihanangirije Eden Hazard wifuza gukina ari ku rwego rwo...

Umukinnyi ukina asatira mu ikipe ya Real Madrid,Eden Hazard, yasabwe...
27 October 2021 0

Manchester United yamanutse cyane ku rutonde rw’amakipe akomeye i Burayi...

Ikipe ya Manchester United yamanutse ku mwanya wa cyenda ku rutonde rw’uko...
27 October 2021 0

APR FC yatomboye RS Berkane muri CAF Confederation Cup

Ikipe ya APR FC yatomboye ikigugu Renaissance Sportive de Berkane yo muri...
26 October 2021 0

Hitimana Thierry yagizwe umutoza wa Simba SC nyuma yo kwirukanwa kwa Didier...

Umunyarwanda Thierry Hitimana ahawe by’agateganyo inshingano zo kuba umutoza...
26 October 2021 0

Thierry Henry yahishuye impamvu ikomeye iri gutuma Messi adatanga umusaruro...

Uwahoze akinana na Lionel Messi, Thierry Henry,abona Paris Saint-Germain...
26 October 2021 0

Bonheur Mugisha(Casemiro) wa APR FC yakoze impanuka ya moto

Umukinnyi mushya wa APR FC Mugisha Bonheur uzwi nka Casemiro yaraye akoze...
26 October 2021 0