Muri Mamba club ku kimihurura hasorejwe imikino ngarukamwaka ya Beach Volleyball itegurwa n’ikipe ya Mamba volleyball club.

Sponsored Ad

Ni imikino ya volleyball ikinirwa ku mucanga yasojwe ku cyumweru Taliki 22 ukuboza 2024, ni imikino yatangiye gukinwa kuwa gatanu aho imikino ya Nyuma yari itegerejwe ejo ku cyumweru.

Imikino ya Nyuma yabimburiwe n’imikino yo guhatanira umwanya wa gatatu mu bakanyujijeho ndetse n’icyiciro cya bagabo habaye kandi umukino w’ubusabane hagati ya bakanyujijeho.

Hari hategerejwe imikino ya Nyuma mu banyabigwi, ikiciro cya bagabo ndetse n’icyiciro cya bagore.

Mu cyiciro cya banyabigwi ikipe ya Olivier na Gerard yatsinze iya Jean luc na Bosco amaseti abiri ku busa, naho ku mukino wa nyuma mu bagore ikipe ya Valentine na Benitha itsinda amaseti abiri ku busa ikipe ya Penelope na Sharon. Hari hategerejwe umukino wa nyuma mu bagabo waje kurangira ikipe ya Akumuntu Kavalo na Ntagengwa Olivier batsinze ikipe ya Prince na Paul amaseti abiri ku busa.

Iyi mikino ya mamba beach volleyball tournament ikaba ari imikino ngarukamwaka aho muri Uyu mwaka yari ibaye ku nshuro ya 16 irushanwa ryuyu mwaka rikaba ryaratangiye Taliki ya 20 ukuboza kugera Taliki 22 ukuboza 2024 ni imikino yitabiriwe n’amakipe 14 (Abagabo 10, Abagore 4) muri Uyu mwaka wa 2024 bikaba ari ku nshuro ya kabiri yari yitabiriwe n’abakinnyi babigize umwuga.