Mu rwego rwo guha icyubahiro Umwamikazi Elizabeth II watanze ku munsi w’ejo, imikino y’umunsi wa 7 wa #PremierLeague yasubitswe
Mu mpera z’iki cyumweru, nta mikino ya Premier League iraza gukinwa, mu rwego rwo kunamira Umwamikazi Elizabeth watanze kuri uyu wa kane.
Nubwo nta tegeko rihagarika imikino, abayobozi ba shampiyona y’Ubwongereza n’indi mikino yose bemeye guhagarika imikino mu mpera z’iki cyumweru mu rwego rwo kunamira uyu munyacyubahiro wari umaze imyaka 70 ku ngoma.
Bije (…)

Mu rwego rwo guha icyubahiro Umwamikazi Elizabeth II watanze ku munsi w’ejo, imikino y’umunsi wa 7 wa #PremierLeague yasubitswe

Mu mpera z’iki cyumweru, nta mikino ya Premier League iraza gukinwa, mu rwego rwo kunamira Umwamikazi Elizabeth watanze kuri uyu wa kane.

Nubwo nta tegeko rihagarika imikino, abayobozi ba shampiyona y’Ubwongereza n’indi mikino yose bemeye guhagarika imikino mu mpera z’iki cyumweru mu rwego rwo kunamira uyu munyacyubahiro wari umaze imyaka 70 ku ngoma.

Bije nyuma y’uko amarushanwa atandukanye mu mikino yasubitswe kuri uyu wa Gatanu.

Imikino ibiri yari iteganijwe kuri uyu mugoroba mu mupira w’amaguru mu Bwongereza yasubitswe , nubwo Manchester United, Arsenal na West Ham imikino yakinnye imikino y’iburayi yose yarangiye.

Itangazo rya EFL ryagize riti: "Mu rwego rwo kubaha,Nyiricyubahiro Umwamikazi Elizabeth II, imikino ya Premier League mu mpera z’iki cyumweru irasubikwa harimo n’iyari kuzaba ku wa Mbere."

aba bavuze ko mu gitondo cyo kuri uyu wa Gatanu abashinzwe imikino itandukanye bahuye,bunamira Umwamikazi hanyuma bafata uyu mwanzuro.

Bemeje ko gahunda y’uko imikino izasubukurwa muri iki gihe cy’icyunamo nayo iratangazwa gusa imikino y’Iburayi izaba mu cyumweru gitaha izakomeza nta nkomyi.

Guverinoma ntiyigeze iteganya gufunga ibikorwa bya siporo mu gihe Ubwongereza bwinjiye mu minsi 10 y’icyunamo cy’igihugu cyose nyuma y’urupfu rw’Umwamikazi umaze igihe kirekire ku ngoma mu mateka y’Ubwongereza.