Imodoka itwara abakinnyi ba Manchester City yaraye igabweho igitero n’abanyarugomo iva Anfield mu ijoro ryakeye nyuma y’umukino wabahuje na Liverpool batsinzwemo igitego 1-0.
Nyuma y’uyu mukino wabaye kuri iki Cyumweru,iyi modoka itwara abakinnyi ba Manchester City yategewe Marseyside iterwa amabuye ikirahuri cyayo kirameneka.
Mu gihe iyi kipe yagendaga ivuye ku kibuga,yumvise urusaku rw’amabuye yatewe n’abataramenyekana gusa ibyangiritse ntibyagize ingaruka ku rugendo rwo gusubira i (…)

Imodoka itwara abakinnyi ba Manchester City yaraye igabweho igitero n’abanyarugomo iva Anfield mu ijoro ryakeye nyuma y’umukino wabahuje na Liverpool batsinzwemo igitego 1-0.

Nyuma y’uyu mukino wabaye kuri iki Cyumweru,iyi modoka itwara abakinnyi ba Manchester City yategewe Marseyside iterwa amabuye ikirahuri cyayo kirameneka.

Mu gihe iyi kipe yagendaga ivuye ku kibuga,yumvise urusaku rw’amabuye yatewe n’abataramenyekana gusa ibyangiritse ntibyagize ingaruka ku rugendo rwo gusubira i Manchester kuri iyi kipe yari imaze gutsindwa.

Icyakora, mu gitondo cyo kuri uyu wa mbere, ni bwo ibyangiritse kuri iyi bisi byashoboraga kugaragara neza.

Ni ku nshuro ya gatatu Bisi ya Man City yibasiwe bagiye gusura Liverpool bakune guhangana bikomeye.

Ku nshuro ya mbere byabaye muri Mata 2014 nyuma y’uko Liverpool itsinze City ibitego 3-2,ubwo iyi modoka yagendaga buhoro iri kuva ku kibuga.

Kuri uwo munsi,iyi modoka yatewe amacupa, amabuye n’ibindi,mu gihe umwe mu bari muri iyo bisi yavuze ko byari "biteye ubwoba".

Nyuma y’imyaka ine, abafana ba Liverpool batonze umurongo mu mihanda batera ibintu bisi ya City ubwo yerekezaga kuri Anfield mu mukino ubanza wa kimwe cya kane cy’irangiza muri Champions League.

Amashusho yafashwe yagaragaje ko iyi bisi yatewe amatafari,amacupa n’ibiti ubwo yari igeze Anfield.

Mu mukino wo ku cyumweru, umutoza wa City yibasiwe n’abafana ba Liverpool bamuteye ibiceri nyuma y’uko igitego cya Phil Foden kitemewe.

Nyuma Liverpool yasohoye itangazo ryamagana indirimbo zimwe na zimwe ’mbi’ ziturutse ku bafana ba City mu mukino.