Amakuru ari gutangazwa n’ibinyamakuru bitandukanye byo ku mugabane w’I Burayi ni uko kizigenza Zinedine Zidane wasezeye ku butoza bwa Real Madrid agiye gutoza ikipe y’igihugu ya Qatar agahembwa akayabo ka miliyoni 44 z’amadolari ku mwaka.

Uyu mugabo w’imyaka 45, yatunguye benshi ku munsi w’ejo ubwo yatangarizaga abanyamakuru ko asezeye muri iyi kipe yari amazemo imyaka 2 n’igice ayifashije gutwara ibikombe 9 birimo UEFA Champions League 3 zikurikiranya.

Zidane yavuye muri Real Madrid atwaye UEFA Champions League 3 zikurikiranya

Nyuma y’iminsi 5 atsinze Liverpool ku mukino wa nyuma wa UEFA Champions League 3-1,Zidane yasezeye muri Real Madrid ndetse avuga ko nta kazi afite hafi,gusa biravugwa ko agiye kwerekeza mu ikipe y’igihugu ya Qatar akayifasha gutegura ikipe y’igihugu izakina igikombe cy’isi cyo mu mwaka wa 2022 bazakira,akajya ahabwa akayabo ka miliyoni 44 z’amapawundi ku mwaka.

Amakuru y’uko Zidane agiye gutoza muri Qatar yatangajwe n’umuherwe w’umunya Misiri witwa Naguib Sawiris wavuze ko bari mu biganiro ndetse ntacyo amafaranga atakora.

Zidane ashobora gutoza ikipe ya Qatar

Niba ibivugwa aribyo,Zidane agiye kujya akorera akayabo 120 by’amapawundi ku munsi ndetse kugeza mu mwaka wa 2022 azaba amaze kubona akayabo ka miliyoni 176 z’amapawundi.

Real Madrid igiye kuzana Mauricio Pochettino ikamuvana mu ikipe ya Tottenham aho yifuza kugura amasezerano ye kuri miliyoni 42 z’amapawundi.