skol
Kigali

Imyanzuro ya FERWAFA igiye gutuma amakipe arimo Rayon Sports na Kiyovu Sports zikura muri shampiyona

Imyidagaduro   Yanditswe na: Dusingizimana Remy 4 January 2022

Amakipe ya Rayon Sports, Gasogi United na Kiyovu Sports ashobora gusezera muri Shampiyona y’iyi mwaka kubera ko adashoboye kubahiriza amabwiriza yo kwirinda COVID-19 avuguruye ya FERWAFA, asaba amakipe gukora imyitozo no kwitabira amarushanwa abakinnyi baba hamwe.

Kuri uyu wa Kabiri, tariki ya 4 Mutarama 2022, ni bwo Ishyirahamwe ry’Umupira w’Amaguru mu Rwanda, FERWAFA, ryagiranye inama n’amakipe y’Icyiciro cya Mbere n’icya Kabiri.

Amakipe yabwiwe ko ategetswe kubahiriza amabwiriza yo kwirinda ikwirakwira rya COVID-19 arimo gucumbikira abakinnyi hamwe no kubapimisha ’rapid test’ byibuze inshuro ebyiri mu cyumweru.

Muri aya mabwiriza avuguruye yo ku wa 3 Mutarama 2022, FERWAFA yamenyesheje amakipe yose ko azasubukura amarushanwa abakinnyi baba hamwe mu mwiherero ndetse bazajya bapimwa ‘rapid test’ nibura buri masaha 48 ndetse no ku munsi w’umukino.

Ingingo ya 2.3 y’aya mabwiriza igira iti “Kugira ngo ikipe yemererwe gusubukura imyitozo no kwitabira amarushanwa, irasabwa gushyira abagize ikipe mu mwiherero ikaba hamwe mu gihe cyose cy’amarushanwa. Ikipe izajya ibanza imenyeshe FERWAFA aho iteganya gukorera uwo mwiherero habanze hemezwe n’Akanama Gashinzwe Gukurikirana Ishyirwa mu bikorwa ry’aya mabwiriza hagamijwe kurebwa ko aho hantu hari ibikenewe byose mu kwirinda ikwirakwiza rya Covid-19."

Iyi ngingo ikomeza ivuga ko mbere yo kwinjira mu mwiherero, abagize ikipe bose babanza gukorerwa ikizamini cyo mu bwoko bwa PCR kandi kikishyurwa n’ikipe. Buri kipe yasabwe kuzirikana ko igihe cyose ibisubizo bya Covid-19 bitaraboneka, mu cyumba hagomba kuba harimo umuntu umwe kugeza igihe bibonekeye.

Indi ngingo yavuguruwe ni iya 2.4 ivuga ko "Amakipe afite inshingano zo gupimisha abakinnyi n’abagize ‘Staff techinique’ mu buryo bwa ‘Rapid test’ nibura buri masaha 48."

Ikomeza ivuga ko "Amakipe agomba kandi kujya apimisha abakinnyi na staff techinique hifashishijwe uburyo bwa ‘rapid test’ nibura inshuro ebyiri mu minsi irindwi mu gihe cy’ imyitozo cyangwa hari impamvu ituma amarushanwa aharagarara ariko amakipe agakomeza gahunda y’imyitozo."

Rayon Sports yamenyesheje FERWAFA ko idashobora gukina abakinnyi baba hamwe mu mwiherero mu gihe Kiyovu Sports yo yavuze ko itari mu mwanya wo gufata umwanzuro muri iyi nama.

Mu kiganiro yagiranye na Royal FM, Kakooza Nkuliza Charles (KNC) uyobora Gasogi United, yavuze ko niba nta gikozwe, ku wa Gatatu bandika basezera muri Shampiyona kuko ingamba zafashwe zirimo kurengera.

Ati "Twakoze ibishoboka byose kugira ngo tube twahagarara mu buryo bwose. Tumaze imyaka ibiri nta faranga rishobora kuva aho yavaga mu buryo busanzwe. Uyu munsi abakinnyi bacu bose barakingiwe kandi bapimwa igihe cyose, simbona impamvu yo gushyira abakinnyi hamwe, tukabapimisha buri masaha 48, tukabashakira imodoka nk’aho buri Munyarwanda wese afite imodoka imutwara...Icyo dusaba ni kimwe, twebwe biroroshye, ejo tuzandika duhagarika kwitabira."

Ubuyobozi bwa FERWAFA bwavuze ko ikipe yumva itazubahiriza amabwiriza yatanzwe uko yakabaye, ubwo izasezera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble rubare

    Icyi cyemezo kirakarishye kuko abakinnyi ndumva nabo ari abanyarwanda nkabandi nibaza ko ataribo bagashyirirwaho amabwiriza yihariye ,cyakora mbere yuko bakina bakajya babanza kubapima amasaha 48 mbere yumukino,naho ibyumwiherero no gupimisha abakinnyi buri masaha 48 kubona ubwo bushobozi byagorana

    4 months ago

Inzindi nkuru

Bitunguranye Jado Castar yeguye muri FRVB ku mpamvu zikomeye

Umunyamakuru Bagirishya Jean De Dieu uzwi ku izina rya Jado Castar...
25 May 2022 0

Klopp yatsinze Pep Guardiola ku gihembo cy’umutoza mwiza w’umwaka

Umutoza wa Liverpool Jurgen Klopp niwe watowe nk’umutoza w’umwaka w’imikino...
25 May 2022 0

Mu myambarire yihariye abakinnyi b’Amavubi bitabiriye umwiherero...

Abakinnyi b’Amavubi bakina hano mu Rwanda biyongeyeho Bizimana Djihad...
24 May 2022 1

Kylian Mbappe yahishuye impamvu ikomeye yatumye yemeye kuvugana na...

Kylian Mbappe yatangaje ko yagiranye ibiganiro na Liverpool kugira ngo...
24 May 2022 0

Ten Hag yahishuye ikintu gikomeye yiteze kuri Cristiano Ronaldo ashaka...

Umutoza mushya wa Manchester United, Erik iTen Hag yemeje ko Cristiano...
24 May 2022 0

Kylian Mbappe yavuze impamvu yanze kwerekeza muri Real Madrid,yiyemeza...

Kylian Mbappe yatangaje ko azashyigikira Real Madrid ku mukino wa nyuma wa...
23 May 2022 0