Umunya-Espagne, Andres Iniesta wakiniye FC Barcelona ashobora guhabwa akazi ko kuba umuyobozi wa Siporo mu ikipe y’igihugu ya Morocco.

Nyuma y’uko ikipe y’igihugu ya Morocco itsindiwe ku mukino wa nyuma w’igikombe cya Afurika cya 2026 na Senegal imbere y’abafana bayo, irimo irakora amavugurura.

Uwari umutoza wayo, Walid Regragui yeguye kuri uyu mwanya nubwo yari afite imibare imuvugira. Kuri ubu biravugwa ko Andres Iniesta ari mu biganiro na Morocco ngo ayibere umuyobozi wa Siporo.

Bivuze ko uyu munyabigwi ari nawe wazayifasha gushaka umutoza mushya. Andres Iniesta ni umwe mu banyabigwi ba FC Barcelona dore ko yayikiniye imikino 442 kuva muri 2002 kugeza muri 2018. Yatwaranye nayo ibikombe birimo 9 bya shampiyona na bine bya UEFA Champions League

Yanakiniye ikipe y’igihugu ya Espagne ayifasha kwegukana igikombe cy’Isi cya 2010 cyabereye muri Afurika y’Epfo. Andres Iniesta yasezeye kuri ruhago muri 2024 ari muri Emirates yo muri Leta Zunze Ubumwe za Amerika.

Iniesta ashobora kugirwa umuyobozi wa Siporo mu ikipe y’igihugu ya Morocco