NSSF KAVC International Tournament, ni irushanwa ngarukamwaka ry’umukino wa Volleyball ribera mu gihugu cya Uganda rigategurwa n’ikipe ya KAVC. Muri 2008 nibwo ikigo NSSF na KAVS bagiranye ubufatanye mu rwego rwo guteza imbere Volleyball, umukino wari warasigaye inyuma ugereranyije n’iyindi. Ubu bufatanye bwagezweho binyuze muri shampiyona mpuzamahanga ya volleyball, NSSF-KAVS(National Social Security Fund – Kampala Amateur Volleyball Club) Ni irushanwa ryitabirwa n’amakipe yo mu muryango (...)

Sponsored Ad

NSSF KAVC International Tournament, ni irushanwa ngarukamwaka ry’umukino wa Volleyball ribera mu gihugu cya Uganda rigategurwa n’ikipe ya KAVC.
Muri 2008 nibwo ikigo NSSF na KAVS bagiranye ubufatanye mu rwego rwo guteza imbere Volleyball, umukino wari warasigaye inyuma ugereranyije n’iyindi. Ubu bufatanye bwagezweho binyuze muri shampiyona mpuzamahanga ya volleyball, NSSF-KAVS(National Social Security Fund – Kampala Amateur Volleyball Club)
Ni irushanwa ryitabirwa n’amakipe yo mu muryango w’Afurika y’Iburasirazuba nk’u Rwanda, Kenya, Tanzaniya, u Burundi, Somaliya akaba ari rimwe mu marushanwa akomeye ya Volleball muri aka karere.
Irushanwa ry’uyu mwaka, rizahuriza hamwe amakipe aturutse mu bihugu birenga bitanu birimo n’u Rwanda, rikazakinwa hagati y’amatariki ya 2 na 4 Kanama 2024 kuri Lugogo Indoor Pitch mu Mujyi wa Kampala.
U Rwanda ruzaba ruhagarariwe n’ikipe ya APR WVC mu bagore ifite igikombe cy’iri rushanwa giheruka, Police WVC iheruka gutwara irushanwa rya Liberation Cup ndetse na Rwanda revenue Authority.
Mu bagabo, ikipe ya Police yegukanye iri rushanwa umwaka ushize, ntabwo izajya guhatanira iki gikombe yatwaye, aho Kepler iheruka kwegukana irushanwa ryo kwizihiza imyaka 30 u Rwanda rumaze rwibohoye izaba ihari, yo na APR VC hamwe na REG.
Andi makipe azaba ari muri Uganda arimo Rukinzo VC, Muzinga na Moso Sugar wongeyeho na Gender Light Club zo mu Burundi, mu gihe Sudani y’epfo izaba ihagarariwe na Cobra Volleyball na Juba Volleyball Club.

Ibihugu bya Tanzania, Kenya na Uganda na byo bizohereza amakipe muri iri rushanwa rizaba rikinwa ku nshuro ya 26 ahitezwe no kuzagaragaramo amakipe yo mu bihugu bitabarizwa muri aka karere.
Ikipe ya APR VC yo mu Rwanda mu bagabo imaze kwegukana iri rushwanwa inshuro 7 ,naho mu bagore ikipe ya KCCA yo muri Uganda imaze kuryegukana inshuro 6.