skol
Kigali

Ishyirahamwe rya Judo ku isi ryakuye perezida Putin mu banyacyubahiro baryo

Imyidagaduro   Yanditswe na: Dusingizimana Remy 27 February 2022

Ishyirahamwe Mpuzamahanga ry’Umukino Njyarugamba wa Judo ku Isi ryakuye Perezida w’u Burusiya Vladmir Putin,mu banyacyubahiro baryo kubera intambara yagabye kuri Ukraine.

Putin wabaye umwe mu bakinnyi b’imena muri uyu mukino,yari yarashyizwe mu bayobozi b’icyubahiro baryo ariko yabyambuwe nyuma y’ibitero yagabye kuri Ukraine guhera ku wa Kane.

Perezida w’Uburusiya yatsindiye umukandara w’umukara wa judo ndetse akaba yarananditse igitabo kivuga kuri siporo, yise ‘Judo: History, Theory, Practice’.

Putin yagizwe perezida w’icyubahiro wa IJF mu mwaka wa 2008, umwanya ukomeye muri siporo y’isi,yanarebye umukino wa Judo mu mikino ya Olimpiki ya London 2012.

Ariko, ubuyobozi mpuzamahanga bw’iri shyirahamwe, ejo bwemeje ko bwitandukanyije n’uyu mufana wabo uzwi cyane, bamwambura by’agateganyo icyubahiro bamuhaye

Mu magambo yabo bagize bati: ’Dukurikije amakimbirane akomeje kubera muri Ukraine, ishyirahamwe ry’umukino mpuzamahanga rya Judo riratangaza ko rihagaritse Bwana Vladimir Putin nka perezida w’icyubahiro akaba na ambasaderi w’ishyirahamwe mpuzamahanga rya Judo,’

Mu itangazamakuru mpuzamahanga hakomeje gukwirakwira inkuru zigaragaza ko ingoma ya Putin mu Burusiya ishobora kuba iri mu marembera bitewe n’uko igitero yateganyaga ko kizakomeza gukorwa inyungu zose zihengamiye ku ruhande rwe cyazamuye uburakari mu mpande zose z’Isi.

Abakuru b’Ibihugu by’ibihangange n’Imiryango Mpuzamahanga bahagurutse bamwamagana ndetse banamufatira ibihano bitandukanye.

Ku rundi ruhande n’abaturage bo mu bihugu bitandukanye bagiye bikusanyiriza kumwamagana bagaragaza uburakari budasanzwe bw’umuyobozi watinyuze kugaba ibitero ku kindi gihugu mu kinyejana cya 21.

Ikibabaje ni uko n’abaturage batari bake mu Burusiya bagaragaje ko batari ku ruhande rw’icyemezo cy’umuyobozi wabo cyo gutera ikindi gihugu, babigaragariza mu myigaragambyo no mu nyandiko zihamagarira imiryango mpuzamahanga kugira icyo ikora.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ikipe y’u Rwanda y’abaterengeje 13 yakiriwe mu buryo butangaje i...

Ikipe y’u Rwanda y’abatarengeje imyaka 13 iherutse kwegukana igikombe cy’Isi...
26 May 2022 0

Marcus Rashford yambitse impeta umukobwa bakundanye kuva mu bwana...

Rutahizamu Marcus Rashford yambitse impeta umukunzi we bakundanye bakiri...
26 May 2022 0

Amakipe yageze ku mukino wa nyuma wa BAL 2022 yamaze kumenyekana

Ikipe ya US Monastir yo muri Tuniziya yihimuye kuri Zamalek, yayitsinze ku...
26 May 2022 0

Jose Mourinho yakoze agahigo gakomeye nyuma yo guhesha AS ROMA igikombe cya...

Umunya Portugal,Jose Mourinho yabaye umutoza wa mbere utwaye ibikombe byose...
26 May 2022 0

Perezida wa Kiyovu Sports yahishuye igishobora kuzaba nibadatwara igikombe...

Mvukiyehe Juvenal, uhagarariye ikipe ya Kiyovu Sports yahishuye ingamba...
25 May 2022 0

Bitunguranye Jado Castar yeguye muri FRVB ku mpamvu zikomeye

Umunyamakuru Bagirishya Jean De Dieu uzwi ku izina rya Jado Castar...
25 May 2022 0