Pelé, izina ry’iritazirano rya kizigenza mu mupira w’amaguru uherutse gupfa, ryahawe igisobanuro cya "kidasanzwe, ntagereranywa, imbonekarimwe" mu nkoranyamagambo [Dictionary] yo muri Brazil.
Michaelis, Inkoranyamagambo y’ururimi rw’igiporutigale, imwe mu zikunzwe cyane muri Brazil, yongeye izina "Pelé" ku rubuga rwayo.
Iryo zina ryongewemo nyuma y’itora ry’ikigo (Fondation) cyitiriwe Pelé mu kuzirikana uyu mukinyi kizigenza w’umupira w’amaguru ribonye imikono y’abantu barenga 125.000 (...)

Sponsored Ad

Pelé, izina ry’iritazirano rya kizigenza mu mupira w’amaguru uherutse gupfa, ryahawe igisobanuro cya "kidasanzwe, ntagereranywa, imbonekarimwe" mu nkoranyamagambo [Dictionary] yo muri Brazil.

Michaelis, Inkoranyamagambo y’ururimi rw’igiporutigale, imwe mu zikunzwe cyane muri Brazil, yongeye izina "Pelé" ku rubuga rwayo.

Iryo zina ryongewemo nyuma y’itora ry’ikigo (Fondation) cyitiriwe Pelé mu kuzirikana uyu mukinyi kizigenza w’umupira w’amaguru ribonye imikono y’abantu barenga 125.000 barishyigikira.

Pelé yapfuye mu kwezi k’Ukuboza 2022, afite imyaka 82.

Umukinnyi umwe rukumbi watwaye igikombe cy’isi incuro eshatu, afatwa nk’umukinnyi wa mbere mwiza mu hahise h’umupira w’amaguru.

Mu gihe cy’imyaka irenga 20 yamaze akina, yaciye umuhigo w’ibitego 1.281 yatsindiye ikipe ya Santos yo muri Brazil n’ikipe y’igihugu ya Brezil na New York Cosmos.

Nyuma y’uko apfuye azize indwara ya kanseri,ikipe yahoze akinira ya Santos, SporTV yerekana imikino n’ikigo cyitiriwe Pelé bashyizemo ingufu kugira izina ry’uyu mukinnyi kizigenza ryemererwe kuja muri iyi nkoranyamagambo.

Kuri uyu wa gatatu, abanditsi b’inkoranyamagambo,Michaelis batangaje ko iryo jambo [izina] rizajya muri iyo nkoranya ku rubuga rwayo mu rurimi rw’igiporutigale no ku mpapuro igihe hazasohoka inshya.

Iryo jambo risomwa gutya:"pe.lé adj. bisobanuye Ikintu cyangwa umuntu udasanzwe, kubera ibikorwa bye, agaciro cyangwa nta muntu n’umwe ushobora kumugereranya nka Pelé,iritazirano rya Edson Arantes do Nascimento (1940-2022), ufatwa nk’umukinnyi wa mbere w’akataraboneka, udasanzwe, utagereranywa, wihariye".

BBC