skol
Kigali

Jose Mourinho yahishuye ikipe atazigera atoza mu buzima bwe

Imyidagaduro   Yanditswe na: Dusingizimana Remy 8 January 2022

Nyuma yo gutsindwa mu buryo bugayitse ibitego 3-1 na AC Milan muri Serie A, ku mukino w’umunsi wa 20 wa Shampiyona y’Ubutaliyani,José Mourinho yararakaye mu kiganiro n’abanyamakuru kubera imikinire y’abakinnyi be.

Wari umugoroba mubi kuri José Mourinho na AS Roma basuzuguwe na AC Milan yabatsindiye mu rugo ibitego 3-1 muri Serie A.

Mu kiganiro n’abanyamakuru,Mourinho yavuze ko yababajwe n’ imikinire y’ikipe ye.Ati"Turi hano kuko ariko ubushobozi bwacu butwemerera. Ibice bimwe by’imisifurire nabyo biduhatira kuguma aha. Turi ikipe yo hagati,twashobora kuba dufite amanota atatu, ane, atanu cyangwa atandatu yisumbuyeho. Ariko ubu, twakoze amakosa akomeye: kuyobora umukino nabi, gusatira nabi,guhana imipira nabi. Turibeshya cyane kubijyanye na tekinike. "

Yakomeje ati: "Sinakunze ikipe yanjye, kuko twari tukiri mu mukino na nyuma yo gutsindwa ibitego 2-0, ndetse no ku mutuku wa Karsdorp, ariko turi hasi muri tekinike. Twatakaje imipira mu gihe ibintu byari byoroshye. Igitego cya kabiri ni urugero rwiza kimwe na penalti ya nyuma (yakuwemo na Rui Patricio itewe na Ibrahimovic). Turimo gutakaza imipira muburyo budasanzwe.

Uyu mutoza w’umunya Portugal yatangarije mu kiganiro n’abanyamakuru cyabanjirije uriya mukino ko niba hari ikipe imwe atazigera atoza ari Lazio Roma, umuturanyi ndetse akaba na mukeba wa AS Roma.

Ati"Gutoza andi makipe?" Turi abanyamwuga kandi rimwe na rimwe biragoye kuvuga ko udashobora gutoza andi makipe. N’ugufata igihombo. Ariko hariho amakipe ushobora kuvuga ngo oya. Niba kandi uvuze oya, ntabwo ari ukubasuzugura.

Uvuga ngo oya kubera amateka ari hagati y’ikipe watoje mbere niyo ije nyuma. Nshobora kukubwira ko nyuma ya 2010,ikipe ya mbere y’Abataliyani navuganye nayo ntabwo ari AS Roma. Ntabwo ari ugusuzugura, ariko, nk’urugero, sinzigera ntoza Lazio."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

AS Kigali yahagamye APR FC iyitesha umwanya wa mbere wa shampiyona

APR FC yananiwe kuguma ku mwanya wa mbere wa shampiyona nyuma yo kunganya...
22 January 2022 0

Rutahizamu w’Umunya Brazil wari utegerejwe na Rayon Sports ntakiyikiniye

Umunya Brazil Christmar Soares wari wasinyiye Rayon Sports mu minsi ishize...
22 January 2022 0

Priyanka Chopra wamenyekanye mu gukina ibihinde yibarutse umwana we wa...

Icyamamare mu gukina filimi by’umwihariko z’Igihinde [Priyanka Chopra]...
22 January 2022 0

Hatangajwe igihombo gikomeye Cristiano Ronaldo azahura nacyo United...

Nk’uko amakuru abitangaza ngo umushahara wa Cristiano Ronaldo uzagabanukaho...
22 January 2022 0

Sierra Leone: Inzu ya Kamara iracyarinzwe na polisi nyuma yuko ahushije...

Inzu ya rutahizamu wa Sierra Leone Kei Kamara iracyarinzwe na polisi nyuma...
22 January 2022 0

Myugariro wo muri RDC agiye gusezererwa n’ikipe ye kubera kubeshya imyaka...

Nk’uko amakuru abitangaza,uwahoze ari myugariro wa Newcastle, Chancel...
21 January 2022 0