skol
Kigali

Jose Mourinho yongeye kwibasira Arsene Wenger wanze kumwandika mu gitabo yashyize hanze

Imyidagaduro   Yanditswe na: Dusingizimana Remy 19 October 2020

Umutoza wa Tottenham,Jose Mourinho,yatangaje ko atatunguwe n’uko mugenzi we Arsene Wenger wahoze atoza Arsenal atigeze amwandika mu gitabo cye kuko ngo atigeze amutsinda mu nshuro bahuye.


Mu minsi ishize,umutoza Arsene Wenger wamaze imyaka 22 atoza Arsenal,yashyize hanze igitabo yise ’My Life in Red and White’ avuga ku buzima bwe bwose muri Arsenal n’abantu yahuye nabo gusa ntiyigeze avuga ku mutoza Jose Mourinho bashwanye kenshi ndetse hari n’ubwo bigeze gufatanira ku mukino.

Wenger w’imyaka 70 yavuze ku buzima bwe bwose muri Arsenal ariko ntiyigeze avuga n’ijambo na rimwe kuri Jose Mourinho w’imyaka 57 bateranye amagambo igihe kinini yaba mu binyamakuru ndetse no ku kibuga.

Wenger abajijwe impamvu atagize icyo amuvugaho,yagize ati “Ntabwo bimbabaza.Kwari ugushotorana kwahoragaho.Twari tumeze nk’abana b’inshuke njye nawe.Ariko byari mu bimugize.

Arabeshya twamutsinze kabiri.Ndetse twagiye tunganya kenshi.Nta nubwo ari wowe utsinda gusa ahubwo ugira uruhare mu ntsinzi.Umutoza aba ari hariya kugira ngo ashake ibyiza mu ikipe.”

Ubwo Mourinho yabazwaga impamvu akeka yatumye Wenger atamwandika mu gitabo cye,yasubije ati “Nuko atigeze antsinda.Ntabwo wakwandika igitabo ngo uvuge ko utigeze utsinda,wasanga ariyo mpamvu yanze kunyandika.Igitabo umuntu acyandika kugira ngo yishime,agire icyubahiro.Ndumva neza impamvu atigeze anyandika.”

Umutoza Wenger usigaye ashinzwe kuzamura umupira muri FIFA,yavuze abantu benshi mu gitabo cye barimo Ozil,Sir Alex Ferguson n’abandi bakinnyi yatoje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyabigwi Jimmy Gatete yahuye n’abo bakoranye amateka mu Mavubi

Umunyabigwi muri ruhago nyarwanda,Jimmy Gatete, yafotowe ari kumwe na...
21 October 2021 0

Cristiano Ronaldo yashimangiye ko ari umwami wa Champions League arokora...

Umunyabigwi mu mupira w’amaguru,Cristiano Ronaldo,yongeye gushimangira ko...
21 October 2021 0

APR FC na Rayon Sports zizesurana ku munsi wa 4 wa shampiyona...

Ishyirahamwe ry’umupira w’amaguru mu Rwanda ryashyize hanze ingengabihe y’uko...
20 October 2021 0

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0