skol
Kigali
Fortebet

Jurgen Klopp yateye benshi umujinya kubera amagambo yatangaje

Imyidagaduro   Yanditswe na: Dusingizimana Remy 25 July 2022

Umutoza Jurgen Klopp wa Liverpool yatangaje ko uyu mwaka amakipe azaruhira ubusa kuko ngo n’ubundi Manchester City izongera kwisubiza igikombe cya shampiyona itwaye 2 yikurikiranya.

Mu mwaka w’imikino ushize,City yahigitse Liverpool yegukana igikombe cya shampiyona iyiruhije inota rimwe nyuma yo kuva inyuma yatsinzwe 2-0 na Aston Villa ikaza kuyitsinda ibitego 3-2 ku mukino w’umunsi wa nyuma.

Chelsea, Spurs na Arsenal zose zariyubatse, mu gihe United yahinduye umutoza ikazana Erik Ten Hag imukuye muri Ajax mu rwego rwo kugarura ibihe byiza.

Ikipe ya Liverpool yatakaje umukinnyi yagenderagaho Sadio Mane werekeje muri Bayern Munich ariko yaguze uwa miliyoni 85 z’ama pound,rutahizamu wa Benfica, Darwin Nunez.

Ariko ibyo ntibihagije kuri Klopp,kuko yahishuye ko yamaze kwizera ko City izisubiza shampiyona akavuga ko "intego nyamukuru" ya Liverpool ari ugushaka itike ya Champions League.

Yavuze kandi ko City yari gutwara ibikombe bitanu bya shampiyona yikurikiranya iyo ikipe ye ya Liverpool idatwara icya 2019/20.

Klopp yatangarije Sky Sports ati: "Buri gihe ni ko biba bimeze: intego nyamukuru niyo gushaka itike ya Champions League."

"Mu byukuri biragoye bihagije. Iyo ugeze kuri ibyo hanyuma ukaba ugifite umwanya wo kurwanira igikombe, noneho urabikora. Ariko muri shampiyona kenshi uba urwanira itike ya Champions League.

"Iyo izaba ari intambara ikomeye (ku gikombe cya Premier League), mana yanjye. Iyo ni Premier League. Ntabwo nzi uzatwara isiganwa,ariko biragaragara ko City bizarangira itwaye Premier League

Iyo tudatwara shampiyona baba barayitwaye inshuro eshanu cyangwa esheshatu zikurikiranya kandi ni ubusazi muri iki gihugu. Ariko intego yacu nukugira umwaka mwiza cyane bishoboka. Niki dushobora gukuramo? Reka turebe. Mu by’ukuri ntegerezanyije amatsiko. "

Aya magambo yasembuye abafana bikomeye ku mbuga nkoranyambaga ny’umwihariko Twitter,bituma batuka cyane Klopp.Umwe yabajije ati "Ni gute wikura ku gikombe kandi kitaratangira?."

Undi ati "Ibaze kugura rutahizamu wa miliyoni 100 warangiza ugatangira kuvuga ubu bujiji?".Undi yagize ati "Uwatsinzwe nabi.Ni gute wemera ko watsinzwe shampiyona itaratangira?.

"

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yongeye gutombora ikipe y’Abarabu mu mikino ya CAF/AS Kigali izajya...

Ikipe ya APR FC yatomboye US Monastir yo muri Tuniziya, mu ijonjora...
9 August 2022 0

Manchester United ihangayikishijwe na nyina w’umukinnyi iri gushaka

Ikipe ya Manchester United igomba kubanza guhuza na nyina wa Adrien Rabiot...
9 August 2022 0

Myugariro wa Dortmund ushinjwa gukubita umugore we atwite amerewe...

Myugariro w’Umudage Nico Schulz arashinjwa gutera imigeri mu nda uwahoze ari...
9 August 2022 0

Hatangajwe ingengabihe y’uko imikino ya shampiyona izakinwa:APR vs Rayon...

FERWAFA yatangaje Ingengabihe ya shampiyona y’u Rwanda y’icyiciro cya mbere...
8 August 2022 0

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0