Ikipe ya Juventus yafahe umwanzuro wo gushyira mu kato ikipe yayo y’abatarengeje imyaka 23 kubera ko ikeka ko baba barandujwe icyorezo cya Coronavirus n’abakinnyi batatu b’ikipe ya Pianese basanganywe iki cyorezo nyuma y’umukino bakinnye.

Abakinnyi ba 3 Pianese basanganywe icyorezo cya Coronavirus nyuma yo gukina Juventus U23 ariyo mpamvu ubuyobozi bw’iyi kipe bwasabye aba bakinnyi kuguma mu ngo zabo kugera kuwa 08 Werurwe uyu mwaka.

Ubuyobozi bwa Juventus bwatangaje uyu mwanzuro kuwa 29 Gashyantare nyuma yo kumva ko aba bakinnyi 3 b’ikipe ya Pianese ikina muri Serie C bari barwaye iki cyorezo mu mukino batinzwemo igitego 1-0 na Juve.

Mu Butaliyani abantu 1,128 bamaze gusanganwa Coronavirus aho 29 muri bo yabahitanye.

Ubuyobozi bwa Leta bwasabye abantu kuguma mu mago yabo ndetse no kwirinda gukoranaho kuko bikwirakwiza iki cyorezo cyatangiriye mu mujyi wa Wuhan.