Umukinnyi wari mu bakomeye mu gusiganwa ku magare muri Kenya no muri Afurika, Suleiman Kangangi yitabye Imana azize impanuka mu isiganwa yarimo muri Amerika.
Uyu mukinnyi yakoreye impanuka mu isiganwa rya Vermont Overland, apfira mu nzira yerekeza ku bitaro.
Kenyan Riders yanditse iti " N’umubabaro mwinshi turabamenyesha urupfu rwa Suleiman Kangangi."
Yakoreye impanuka mu isiganwa rya Vermont Overland Gravel Race, apfira mu nzira yerekeza ku bitaro.
Umuryango wa Suleiman muri Kenya (...)

Sponsored Ad

Umukinnyi wari mu bakomeye mu gusiganwa ku magare muri Kenya no muri Afurika, Suleiman Kangangi yitabye Imana azize impanuka mu isiganwa yarimo muri Amerika.

Uyu mukinnyi yakoreye impanuka mu isiganwa rya Vermont Overland, apfira mu nzira yerekeza ku bitaro.

Kenyan Riders yanditse iti " N’umubabaro mwinshi turabamenyesha urupfu rwa Suleiman Kangangi."

Sule yatangiranye natwe afite imyaka 19, arakura aba umukinnyi mwiza muri Kenya, kandi kubigeraho,byatumye aba ikirango cy’umukino w’amagare ku isi."

Suleiman yakinnye muri Tour du Rwanda inshuro nyinshi yaba ari kumwe n’ikipe ya Kenyan Riders Downunder na Bike Aid.

Nubwo nta duce yatwaye,ari mu bakinnyi bazaga imbere cyane ndetse agatanga akazi gakomeye ku makipe arimo n’ay’u Rwanda.Muri Tour du Rwanda 2016 yabaye uwa kabiri mu ntera (étape) ya kabiri yavaga Kigali yerekeza i Karongi.

Muri 2016 yarangije ku mwanya wa 10 ku rutonde rusange rwa Tour du Rwanda,muri 2017 arangiza kuwa 3 hanyuma muri 2019 arangiza kuwa cyenda.

Vermont Overland ni isiganwa rya 95km mu mihanda mibi iri mu misozi, nk’uko biri ku rubuga rw’abaritegura. Abasiganwa bagera kuri 900 bari bitabiriye iryabaye kuwa gatandatu.